Янгиликлар
27
Nızamshılıqtaǵı jańalıqlar
2024-jıl 4-dekabr kúni Ózbekstan Respublikasınıń “Ózbekstan Respublikasınıń Jınayat-processual kodeksine qosımshalar hám ózgeris kiritiw haqqında”ǵı
ÓRN-1009-sanlı Nızam qabıl etildi.
Nızam menen Ózbekstan Respublikasınıń Jınayat-processual kodeksi tómendegi máselelerdi tártipke salıwshı 66-bap penen toltırılmaqta:
Sırt el mámleket sudınıń qararın tán alıw hám orınlawǵa qaratıw;
erkinen ayırıw jazasına húkm qılınǵan shaxstı jazanı ótewdi dawam ettiriw ushın qabıl qılıp alıw hám sırt elge beriw;
Ózine qarata medicinalıq májbúrlew sharası qollanılǵan shaxstı májbúriy emletiwdi dawam ettiriw ushın qabıl qılıp alıw hám sırt elge beriw;
Sırt el mámleket sudınıń qararı Jınayat-processual kodeksinde belgilengen tártipte hám xalqaralıq shártnamalarǵa muwapıq tómendegi jaǵdaylarda Ózbekstan Respublikasında tán alınǵan hám orınlawǵa qaratılıwı múmkin:
Sırt el mámleketinde erkinen ayırıw jazasına húkim qılınǵan hám jazasın ótep atırǵan Ózbekstan Respublikası puqarası-jazanı Ózbekstan Respublikasında dawam ettiriw ushın qabıl qılıp alınǵanda;
Sırt el mámleketi aymaǵında es aqlı pútin emeslik jaǵdayında qáwipli háreket islegen ya bolmasa usı háreketti islegennen keyin es aqlı jaǵdayınıń buzılıwı júzege kelgen Ózbekstan Respublikası puqarasına qarata sırt el mámleket sudınıń medicinalıq túsdegi májbúrlew sharaların qollaw tuwrısındaǵı qararı bolǵanda, Ózbekstan Respublikasında dawam ettiriw ushın qabıl qılıp alınǵanda;
Sırt el mámleket sudı tárepinen húkm qılınıp, jazanı ótemegen shaxs sırt el tárepinen Ózbekstan Respublikasına uslap berilgende;
Sırt el mámleket sudı tárepinen húkm qılınǵan Ózbekstan Respublikası puqarasın sırt elde uslap beriw biykarlanǵanda;
Xalqaralıq shártnamalarda názerde tutılǵan basqa jaǵdaylarda.
Nızam 05.12.2024-jıldan kúshke kirdi.
Shımbay rayonı ádillik bólimi
Yuridikalıq xızmet kórsetiw
orayı bas yuriskonsultı B.Bekimbetov.