Янгиликлар
27
Diniy ekstremizm hám terrorizmnen awlaq bolıń
Ekstremizm - jámiyetlik-siyasiy jaǵdaydı turaqsızlandırıwǵa, Ózbekstan Respublikasınıń konstituciyalıq dúzimin zorlıq penen ózgertiwge, hákimiyattı zorlıq penen iyelewge hám onıń wákilliklerin ózlestiriwge, milliy, rasalıq, etnikalıq yamasa diniy dushpanlıqtı qozǵatıwǵa qaratılǵan háreketlerdiń ayqın túrleri kórinisi Ekstremizmniń aldın alıwǵa baylanıslı ilajlar tómendegilerden ibarat:
xalıqtıń huqıqıy sanası hám huqıqıy mádeniyatın arttırıw, jámiyette ekstremizmge qarsı keńpeyillik qatnasın qáliplestiriw;
ekstremistlik háreketlerdi ámelge asırıwǵa jol qoymaw haqqında rásmiy eskertiw shıǵarıw;
yuridik shaxs tárepinen ekstremistlik háreketlerdi ámelge asırılıwına jol qoymaw haqqında usınıs kirgiziw;
ekstremistlik materiallardı alıp kiriwdi, tayarlawdı, saqlawdı, tarqatıwdı hám kórsetiwdi qadaǵan etiw;
ekstremizmdi qarjılandırıwdı qadaǵan etiw;
yuridikalıq shaxstıń jumısın toqtatıp turıw;
shólkemdi ekstremistlik shólkem dep tabıw.
O‘zbekiston Respublikasi fuqarolari, chet el fuqarolari va fuqaroligi bo‘lmagan shaxslar ekstremistik faoliyatni amalga oshirganlik uchun qonunga muvofiq javobgar bo‘ladi.
Terrorizm - siyasıy, diniy, ideologiyalıq hám basqa da maqsetlerge erisiw ushın shaxstıń ómiri, densawlıǵına qáwip tuwdırıwshı, mal-múlkti hám basqa da materiallıq obyektlerdiń joq etiliwi (zaralanıwı) qáwpin keltirip shıǵaratuǵın hám mámleketti, xalıqaralıq shólkemdi, fizikalıq yamasa yuridikalıq shaxstı qanday da bir háreketlerdi islewge yamasa isleniwden bas tartıwǵa májbúr etiwge, xalıqaralıq qatnasıqlardı qıyınlastırıwǵa, mámlekettiń suverenitetin, aymaqlıq pútinligin buzıwǵa, qáwipsizligine zıyan jetkeriwge, qurallı kelispewshilikler shıǵarıw maqsetinde úgit-násiyatlawlarǵa, xalıqtı qorqıtıwǵa, jámiyetlik-siyasiy jaǵdaydı turaqsızlastırıwǵa qaratılǵan, Ózbekstan Respublikasınıń Jınayat kodeksinde juwapkershilik názerde tutılǵan zorlıq, zorlıq qollanıw menen qorqıtıw yamasa basqa jınayıy qılmıslar.
Ózbekstan Respublikası Oliy Majlisi tárepinen 2000-jıl 15-dekabr kúni qabıl etilgen “Terrorizmge qarsı gúresiw haqqında”ǵı Nızamnıń 2-statyasında terrorizm menen baylanıslı atama hám halatlar túsinikli tárizde bayan etilgen. Máselen, “Terrorizm-siyasıy, diniy, ideologiyalıq hám basqa maqsetlerge erisiw ushın shaxstıń ómirine, den sawlıǵına qáwip tuwdırıwshı, mal-múlki hám basqa materiallıq obyektlerdiń joq qılınıwı (zıyanlandırılıwı) qáwpin keltirip shıǵarıwshı hámde mámleketti, xalıq aralıq shólkemdi, fizikalıq yaki yuridakalıq shaxstı qanday da bir háreketler islewge islewden tiyılıwǵa májbúr qılıwǵa, xalıq aralıq múnásibetlerdi keskinlestiriwge, mámlekettiń suvereniteti, aymaqlıq pútinligin buzıwǵa, qurallı soqlıǵısıwlardı keltirip shıǵarıwdı gózlep úgit-násiyatlaw ushın tarqatıwǵa, xalıqtı qorqıtıwǵa, sociallıq siyasıy jaǵdaydı izden shıǵarıwǵa qaratılǵan, Ózbekstan Respublikası Jınayat kodeksinde názerde tutılǵan zorlıq, zorlıq isletiw menen qorqıtıw yaki basqa qılmıslar”dıń túp mánisi terrorizm ekenligi kórsetip ótilgen.
Joqarıda atap ótilgenlerden ózlerimizge tiyisli juwmaq shıǵarıp, durıs pikirlep, búgingi tınısh ómirdiń qádirine jetip, hár birimiz ǵárezsiz mámleketimizdiń gúllep rawajlanıwı ushın óz úlesimizdi qosıwımız dárkar.
Shımbay rayonı ádillik bólimi
Yuridikalıq xızmet kórsetiw
orayı bas yuriskonsultı Sh.Matniyazov