Янгиликлар
26
Hayal-qızlardıń gender teńligi
Házirgi globallasıw dáwirinde hayal-qızlardıń huqıq hám erkinlikleri, nızamlı máplerin qorǵaw áhmiyetli orın tutadı. Asirese, hayallardı turmısta, jumıs orınlarında, bilimlendiriw tarawında hám basqa orınlarda zorlıq hám basımnan qorǵaw máselesi aktual áhmietke iye bolıp esaplanadı.
Ózbekstan Respublikasında gender teńlik máselesinde bir qansha normativ huqıqıy hújjetler qabıl etilgen bolıp, bular qatarında Ózbekstan Respublikasınıń 2019-jılı 2-sentyabr kúngi “Hayal-qızlardı basım hám zorlıqtan qorǵaw haqqında”ǵı 561-sanlı Nızamı, 2019-jıl 2-sentyabr kúngi “Hayal-qızlar hám er adamlar ushın teń huqıq hám de imkaniyatlar kepillikleri haqqında”ǵı 562-sanlı Nızamları qabıl etildi.
Ózbekstanda hayal-qızlar máselesine júdá úlken itibar qaratılıp atır, olardıń huqıqları, erkinlikleri, nızamlı mápleri Konstituciyamızda, nızamlarımızda bekkemlenip qoyılǵan. Bul boyınsha Birlesken Milletler Shólkeminiń Bas Assambleyasınıń 2015-jıldıń sentyabr ayında Turaqlı rawajlanıw boyınsha ótkerilgen sammitinde qabıl etilgen 70-sanlı rezolyuciyasına tiykar, sonday-aq 2030-jılǵa deyingi dáwirde BMSh Global kún tártibiniń Turaqlı rawajlanıw maqsetlerin izshil ámelge asırıw boyınsha sistemalı islerdi shólkemlestiriw maqsetinde Ózbekstan Respublikası Ministrler Kabinetiniń “2030-jılǵa deyingi dáwirde turaqlı rawajlanıw salasında milliy maqset hám wazıypalardı ámelge asırıw is-ilajları haqqında”ǵı Qararı qabıl etildi.
Ózbekstanda Turaqlı rawajlanıwdıń besinshi maqsetin ámelge asırıwda “Gender teńlikti támiyinlew hám de barlıq hayal-qızlardıń huqıq hám imkaniyatların keńeytiw” boyınsha toǵız wazıypa islep shıǵıldı. Besinshi maqsettiń wazıypalarında 2030-jılǵa kelip barlıq hayal-qızlarǵa kemsitiwlerdiń hár qanday túrine shek qoyıw, siyasiy, ekonomikalıq jáne sociallıq turmısta qararlar qabıllawdıń barlıq dárejelerinde hayallardıń tolıq hám nátiyjeli qatnasıwın hám jetekshilik etiwi ushın keń múmkinshilikler jaratılǵan.
Siyasiy, ekonomikalıq jáne socialıq turmısta qararlar qabıllawdıń barlıq dárejelerinde hayallardıń tolıq hám nátiyeli qatnasıwı hám jetekshilik qılıwı ushın teń múmkinshiliklerdi támiyinlew zárúr.
Xojeli rayonı ádillik bólimi
Yuridikalıq xızmet kórsetiw
orayı baslıǵı G.Faxratdinova