Янгиликлар
26
Shet el mámleketlerinde bilim alǵanlıq (nostrifikaciya) haqqındaǵı hújjetlerdi tán alıw tartiplerı haqqında
Ózbekstan Respublikası Ministrler Kabinetiniń 2019-jıl 24-iyuldaǵı «Shet el mámleketlerinde bilim alǵanlıq haqqındaǵı hújjetlerin tán alıw tártibin jetilistiriw haqqında»ǵı 620-sanlı Qararı menen Reje tastıyıqlandı. Qararǵa bola, shet el mámleketlerinde ulıwma orta hám orta bilim alǵanlıq haqqındaǵı hújjetlerdi tán alıw biypul ámelge asırıladı. Orta-arnawlı, kásip-óner tálimi alǵanlıq haqqındaǵı hújjetlerdi tán alǵanlıq ushın bazalıq esaplaw muǵdarınıń 2 esesi muǵdarında, joqarǵı bilimlendiriw, kadrlardı qayta tayarlaw hám mamanlıq bilimin alǵanlıq haqqındaǵı hújjetlerdi tán alǵanlıq ushın bazalıq esaplaw muǵdarınıń 3 esesi muǵdarında jıyım óndiriledi.
Shet el mámleketlerinde bilim alǵanlıq haqqındaǵı hújjetlerin tán alıw ushın arzalar tek ǵana Mámleketlik xızmetleri orayları yáki birden bir interaktiv mámleketlik xzmetleri portalınan dizimnen ótiw arqalı qabıl etiledi.
Talabanlardan sorawnamanı toltırıwda sırt elde bilim alǵanlıq haqqındaǵı hújjet, onıń qosımshası hám de olardıń mámleketlik tilge awdarmalanǵan notarial tastıyıqlanǵan nusqası talap etiledi.
Tómendegi jaǵdaylarda hújjetlerdi tán alıw sınawlarsız ámelge asırıladı:
- ulıwma orta hám orta, orta arnawlı, kásip-óner hám mamanlıq asırıw bilimin alǵan talabanlardıń hújjetleri;
- Ózbekstan Respublikasında bólimleri hám qospa bilimlendiriw mákemelerinde bar bolǵan shet el bilimlendiriw mákemelerinde oqıǵan talabanlardıń hújjetleri;
- Ózbekstan Respublikası Joqarı hám orta arnawlı bilimlendiriw ministirligi hám de Ózbekstan Respublikası Ministrler Kabineti janındaǵı Bilimlendiriw sapasın qadaǵalaw mámleketlik inspekciyası qospa qararı menen dizimi hár jılı tastıyıqlanatuǵın xalıqaralıq shólkemlerdiń (Quacquarelli Symonds World University Rankings, Times Nigher Education, Academic Ranking of World Universities) reytinginde joqarı bilimlendiriw mákemeleri arasında birinshi 1 000 orındı iyelegen shet el joqarı bilimlendiriw mákemelerinde bilim alǵan talabanlardıń hújjetleri;
- ministrlik hám mákemeler jollamaları tiykarında bilim alǵan talabanlardıń hújjetleri;
- 1992-jıl 1-yanvarǵa shekem shet el bilim beriw mákemelerine kirgen talabanlardıń hújjetleri;
- Joqarı bilimlendiriw sıpatın bahalaw Evropa associaciyasınıń aǵzaları tárepinen akkreditaciya etilgen bilim beriw mákemelerinde bilim alǵanlardıń hújjetleri;
- AQSh, Avstraliya, Izrayıl, Kanada, Singapur, Qubla Koreya, Yaponiya mámleketlerinde akkreditaciya etilgen bilim beriw mákemelerinde bilim alǵanlardıń hújjetleri;
- ministrlik hám mákemeler tárepinen ajıratılǵan qarjılar esabınan bilim alǵan talabanlardıń hújjetleri;
- xalıqaralıq shártnamalar, Prezident hám Húkimet hújjetlerinde názerde tutılǵan hallarda bilim alǵanlıq haqqındaǵı hújjetler.
Sınaw tiykarında tán alınatuǵın hújjetler ushın test sınawları shólkemlestiriledi hám bul haqqında 10 kún aldın Ózbekstan Respublikası Ministrler Kabineti janındaǵı Bilimlendiriw sapasın qadaǵalaw mámleketlik inspekciyası rásmiy saytında járiya etiledi. Test sınawı 50 sorawdan ibarat bolıp hár bir sorawǵa 2 balldan qoyıladı hám 54 hám de onnan kem ball toplaǵan talabanlardıń hújjetleri tán alınbaydı.
Taxtakópir rayonı ádillik bólimi
Mámleketlik xızmetler
orayı direktorı P.Reimkulov.