Янгиликлар
Mekteplerdi remontlawǵa qarjılar qay jerden alınadı?
Ózbekstan Respublikası Prezidentiniń 11.05.2022-jıldaǵı “Mektepke shekemgi hám mektep bilimlendiriwin rawajlandırıwǵa tiyisli qosımsha ilájları haqqında”ǵı PQ-241-sanlı Qararına tiykar, 2022-2026-jıllarda ulıwma orta bilimlendiriw mákemelerin qurıw, rekonstruksiya qılıw, tolıq remontlaw hám úskenelewdiń tiykarǵı prognoz kórsetkishleri tastıyıqlanǵan.
Bunda, mektepke shekemgi, ulıwma orta hám mektepten tısqarı bilimlendiriw shólkemleri hám de oqıw kursların materiallıq-texnikalıq úskenelew boyınsha talaplar Bilimlendiriwdi rawajlandırıw respublika ilmiy-metodikalıq orayı tárepinen belgilenedi.
Sonday-aq, tiykarǵı prognoz kórsetkishlerge muwapıq ulıwma orta bilim beriw mákemelerin qurıw, rekonstruksiya qılıw, tolıq remontlaw hám úskenelew -Ózbekstan Respublikasınıń sociallıq hám islep shıǵarıw infradúzilmesin rawajlandırıw dástúrleri sheńberinde ajratılatuǵın qarjılar, Mámleket byudjeti qarjıları, xalıq-aralıq finans institutlarınıń kreditleri hám grantları, qáwenderlik qayır-saqawatları, jeke sherikler hám de mámleketlik emes bilimlendiriw shólkemleri qarjıları, sonday-aq, nızamshılıq hújjetleri menen sheklenbegen basqa derekler esabınan ámelge asırılatuǵınlıǵı belgilep qoyılǵan.
Xojeli rayonı ádillik bólimi
Yuridikalıq xızmet kórsetiw
orayı bas yuriskonsultı U.Yerejepova