Янгиликлар
25
Gender teńlikti támiyinlew tarawındaǵı reformalar
Keyingi jıllarda jámiyetlik turmıstıń barlıq tarawlarında gender teńlikti támiyinlew máselesi mámleket siyasatı dárejesine kóterildi hám bul mámleketimizdiń insan huqıqları tarawındaǵı oǵada áhmiyetli qádemlerdiń biri boldı.
Gender teńlikti támiyinlew jolında mámleketimizde xalıqaralıq standartlar tiykarında milliy nızamshılıq jetilistirildi. Bul baǵdarda bir qatar nızamshılıq hám áhmiyetli konseptuallıq hújjetler qabıl etildi.
2019-jılı 3-sentyabr kúni qabıl etilgen «Hayal-qızlar hám erler ushın teń huqıq hámde imkániyatlar kepillikleri haqqında»ǵı Ózbekstan Respublikasınıń Nızamı menen milliy nızamshılıǵımızda «gender», «gender statistikası», «gender-huqıqıy ekspertiza», «jınsı boyınsha kemsitiw» túsinikleri payda boldı.
Hayal-qızlardı sociallıq-ekonomikalıq jaqtan qollap-quwatlaw, olardı kásip-ónerge úyretiw, isbilermenlikke tartıw, sol arqalı ózin-ózi bánt etiwin támiyinlew maqsetinde olar menen mánzilli islesiw ushın “Hayal-qızlar dápteri” engizildi, hayal-qızlardı basım hám zorlıqtan qorǵaw máseleleri boyınsha bekkem huqıqıy negizler jaratıldı.
Ózin jınsı boyınsha tikkeley yamasa tuwrıdan-tuwrı kemsitilgen dep esaplaǵan shaxstıń wákilli organlarǵa yamasa sudqa múrájat etiw huqıqı hám bunday shaxstan sudqa múrájat etkeni ushın mámleketlik bajı óndirilmewi belgilendi.
Búgingi kúnde de gender teńlikti támiyinlew, hayallardıń sociallıq hámde siyasıy turmıstaǵı rolin asırıw boyınsha bir neshe baǵdarda jumıslar alıp barılıp atır. Bular qatarda nızam hújjetlerin gender teńlikti támiyinlew, jetilistiriw, hayallardı qorǵawdıń institucional tiykarların jaratıw, xalıqtıń gender teńlik haqqındaǵı xabardarlıǵın asırıwdı dawam etiw áhmiyetli máselelerden esaplanadı.
Nókis qalası ádillik bólimi
Yuridikalıq xızmet
kórsetiw orayı baslıǵı T.Utemiratov