Янгиликлар
29
Ózbekstan Respublikası Prezidentiniń “Isbilermenler menen ashıq sáwbetin shólkemlestiriw ilajları haqqında”ǵı Qararınıń mazmunı
Hámmege málim bolǵanınday Prezidentimiz tárepinen elimizde isbilermenlik subyektlerine ayırıqsha itibar qaratılǵan. Usınday itibarlardıń biri sıpatında Ózbekstan Respublikası Prezidentiniń 2024-jıl 30-maydaǵı
PQ-200-sanlı Qararın keltirip ótsek boladı. Bul Qararda tómendegi máseleler kórsetip ótilgen. Yaǵnıy, isbilermenlerdiń mashqala hám usınısların tikkeley úyreniw, isbilermenlikti aldaǵı waqıtlarda rawajlandırıwdıń tiykarǵı baǵdarların belgilep alıw boyınsha hár jılı ótkeriletuǵın Ózbekstan Respublikası Prezidentiniń isbilermenler menen ashıq sáwbetin joqarı dárejede shólkemlestiriw maqsetinde:1. Ózbekstan Respublikası Prezidentiniń isbilermenler menen ashıq sáwbetin shólkemlestiriw boyınsha Respublika komissiyasın hám de aymaqlarda isbilermenler máselelerin úyreniw hám sheshiw boyınsha isshi toparlar dúziliwi;
2. Respublika komissiyasınıń tiykarǵı wazıypaları etip tómendegiler belgilengen: ashıq baylanıstı joqarı dárejede ótkeriw menen baylanıslı shólkemlestirilgen ilajlardı operativ hám sapalı ámelge asırıw, buǵan baylanıslı ekspert toparları, aymaqlıq isshi toparlar, juwapker ministrlik hám keńseler iskerligin muwapıqlastırıw; isbilermenler múrájatların hám usınısların kúni-túni qabıllaw hám ulıwmalastırıw, sistemalı mashqalalardı anıqlaw hám olardı saplastırıw boyınsha usınıslar islep shıǵıw, sonıń menen birge, isbilermenlerdiń ayrıqsha máselelerin orınlarda operativlik penen sheshiwdi shólkemlestiriw; aymaqlarda isbilermenler menen sáwbet hápteliklerin shólkemlestiriw, sáwbetti ótkeriw ornı hám múddeti boyınsha usınıslar hám qatnasıwshılar dizimin qáliplestiriw hám de Isbilermenler kúnin keń bayramlaw boyınsha ilajlar belgilew;
3. Respublika komissiyası
a) hár jılı 15-iyunǵa shekem: ashıq sáwbet sheńberinde isbilermenler múrájatların kúni-túni qabıllaw hám ulıwmalastırıw boyınsha juwapker ministrlik hám keńseler xızmetkerlerinen ibarat Respublika shtabı, sonıń menen birge, aymaqlıq isshi toparlar hám 3-qosımshaǵa muwapıq jónelisler boyınsha ekspert toparların shólkemlestiriw ; Ózbekstan Respublikası Prezidenti janındaǵı Isbilermenlikti qollap-quwatlaw boyınsha jámiyetshilik keńesin , ministrlik hám keńseler basshıları, intalı investor hám isbilermenler qatnasıwında baspasóz konferenciyaları, mazmunlı sáwbetleri, baylanıs hápteliklerin shólkemlestiriw, infografika hám videoroliklar tayarlaw boyınsha media rejeni tastıyıqlaw;
b) hár jılı 15-iyulǵa shekem ashıq sáwbet ótkeriw ornı múddeti hám ámelge asırılıwı kerek bolǵan ilajlar boyınsha usınıslardı Ózbekstan Respublikası Prezidenti Administraciyasına kiritiw. Málimleme hám ǵalaba-kommunikaciyalar agentligi, Ózbekstan Milliy málimleme agentligi, Ózbekstan Milliy teleradiokompaniyasi, Sawda -sanaat palatası media rejege tiykarlanıp ashıq sáwbet sheńberinde ámelge asırılıp atırǵan jumıslar hám olardıń nátiyjelerin ǵalaba xabar quralları, internet jáne social tarmaqlarda keń jarıtıw jumısların shólkemlestiriw;
4. Hár jılı 15-iyunnan baslap ashıq sáwbet ótkerilemen degenge shekem: a) Respublika shtabı arnawlı elektron platformalar, Sawda -sanaat palatası janındaǵı Call-oray xızmeti, social tarmaqlar hám kóshpeli qabıllawlar arqalı isbilermenlerdiń múrájatların kúni-túni qabıl etiliwin; hár kúni isbilermenler múrájatların ekspert toparları hám aymaqlıq isshi toparlarǵa jiberiw hám de múrájatlardı kórip shıǵıw nátiyjeleri haqqındaǵı toplam maǵlıwmatlardı Respublika komissiyasına usınıs etip barıw; hár hápte isbilermenler múrájatları tiykarında anıqlanǵan sistemalı mashqalalardı Jámiyetshilik keńesinde talqılaw, olardıń sheshimleri boyınsha usınıslardı Ózbekstan Respublikası Prezidenti Administraciyasi hám Respublika komissiyasına kiritip barıwı tártipleri belgilengen.
Joqarılardan kelip shıǵıp sonı aytıwımız múmkin, bul Qarardıń qabıl etiliwinen maqset elimizde isbilermenlikti rawajlandırıw, mamleketimizdiń ekonomikalıq jaqtan rawajlanıwına de jumıssız shaxslardı jumıs penen támiyinlewge óz úleslerin qosıp atırǵan isbilermenlerdiń erkinliklerin hám de buzılǵan huqıqların úyreniw hám de olardı sheshiwge járdemlesiwge tiykarlanǵan bolıp esaplanadı.
Xojeli rayonı ádillik bólimi
Yuridikalıq xızmet kórsetiw orayı
bas yuriskonsultı Sh.Pirnazarova