Янгиликлар
23
Endi aydawshılıq gúwalıǵın onlayn alıw múmkin
Ózbekstan Respublikası Ministrler Kabinetiniń 2023-jıl 12-apreldegi “Milliy aydawshılıq gúwalıǵın rásmiylestiriw tártibin ápiwayılastırıwdıń qosımsha ilajları haqqında”ǵı 152-san Qararında aydawshılıq gúwalıǵın alıw tártibi belgilengen bolıp, Qararǵa tiykar aydawshılıq gúwalıǵın onlayn alıw múmkin.
Arza beriwshi atı, famılıyası hám ákesiniń atı ózgergende, sonıń menen birge, milliy aydawshılıq gúwalıǵın almastırıw hám de joǵalǵanınıń ornına jańasın alıw ushın Mámleketlik jol háreketi qáwipsizligi xızmeti yamasa Mámleket xızmetler orayına ózi kelip múrájaat qıladı yamasa ǵárezsiz tárizde Birden-bir interaktiv mámleketlik xızmetler (BIMX) portalınan (my.gov.uz) dizimnen ótedi.
«PHAJdıń birden-bir elektron arxivi» maǵlıwmatlar sisteması tárepinen usınılǵan atı, familiyası hám ákesiniń atı ózgergen shaxslar haqqındaǵı maǵlıwmatlar sistemada óz-ara salıstırıladı. Bunda, jańa úlgidegi aydawshılıq gúwalıǵına iye shaxslar BIMX portalındaǵı jeke kabinetine yamasa olardıń mobil-ID sistemasında identifikaciyadan ótken mobil telefon nomerine milliy aydawshılıq gúwalıǵın almastırıw boyınsha xabarnama jiberiledi.
Arza beriwshi BIMX portalı arqalı múrájaat etken jaǵdayda, ǵárezsiz túrde tastıyıqlanǵan formadaǵı sorawnamanı elektron túrde toltıradı.
Jańa úlgidegi milliy aydawshılıq gúwalıǵın almastırıw ushın tek sorawnama toltırıladı.
Arza beriwshi joǵalǵan aydawshılıq gúwalıǵı ornına jańa gúwalıq alıw ushın múrájaat etkende onıń avtomototransport quralın basqarıwǵa bolǵan huqıqı bar ekenligi yamasa avtomototransport quralın basqarıw huqıqınan ayrılmaǵanlıǵı sistemada tastıyıqlanǵannan keyin oǵan sol waqıttıń ózinde tólew ushın invoys usınıs etiledi.
Eger arza beriwshi joǵalǵan aydawshılıq gúwalıǵı haqqındaǵı maǵlıwmatlar sistemada anıqlanbaǵanda arza beriwshi aydawshılıq gúwalıǵın alıw boyınsha Mámleketlik jol háreketi qáwipsizligi xızmetine ulıwma tártipte múrájaat etedi.
Milliy aydawshılıq gúwalıǵın beriw hámde onı jańasına almastırıw ushın bazalıq esaplaw muǵdarınıń 70 payızı muǵdarında tólem óndiriledi.
Joǵalǵan aydawshılıq gúwalıǵı ornına jańa úlgidegi milliy aydawshılıq gúwalıǵın beriw ushın bazalıq esaplaw muǵdarınıń 1 esesi muǵdarında tólem óndiriledi.
Milliy aydawshılıq gúwalıǵı berilgenligi ushın tólem tólengenligi málimleme-kommunikaciya sistemaları arqalı tastıyıqlanadı.
Arza beriwshi qálewine kóre, milliy aydawshılıq gúwalıǵın pochta baylanısı arqalı alıwı múmkin. Bunda, pochta qárejetleri arza beriwshi esabınan qaplanadı.
Pochta baylanısı tárepinen kórsetilgen xızmet ushın tólem muǵdarı pochta xızmeti tárepinen belgilenedi hám eki jumıs kúni ishinde jetkerip beriledi.
Sorawnama xızmetker tárepinen 2 jumıs saatı dawamında kórip shıǵıladı.
Arza beriwshi tárepinen milliy aydawshılıq gúwalıǵın alıwda óz iqtıyarı menen ID-karta yamasa biometrik pasporttaǵı súwretinen paydalanıwına ruxsat beredi yáki bolmasa Mámleketlik jol háreketi qáwipsizligi xızmeti yamasa Mámleket xızmetler orayına ózi kelip súwretke túsedi.
Sorawnamadaǵı maǵlıwmatlar sistemadaǵı maǵlıwmatlar menen salıstırıladı hám maǵlıwmatlar durıs bolǵanda milliy aydawshılıq gúwalıǵın baspaǵa beredi hám milliy aydawshılıq gúwalıǵı tayın bolǵanlıǵı haqqında arza beriwshige málimleme-kommunikaciya sisteması arqalı xabardar etiledi.
Nókis qalası ádillik bólimi
Yuridikalıq xızmet
kórsetiw orayı baslıǵı T.Utemıratov