Янгиликлар

Termit hám basqa zıyanlı jánliklerden zıyanlanģan turaq-jaylardı anıqlaw hám jasaw ushın jaramsız dep tabıw boyınsha mámleketlik xızmetin kórsetiwdiń Hákimshilik Reglamenti tastıyıqlandı.

Termit hám basqa zıyanlı jánliklerden zıyanlanģan turaq-jaylardı anıqlaw hám jasaw ushın jaramsız dep tabıw boyınsha mámleketlik xızmetinen Mámleketlik xızmetleri orayı hám birden-bir interaktiv mámleketlik xızmetleri portalı arqalı biypul paydalanıw belgilengen. Mámleketlik xızmeti ushın hesh qanday hújjet talap etilmeydi.
Termit hám basqa zıyanlı jánliklerden zıyanlanģan turaq-jaylardı anıqlaw hám jasaw ushın jaramsız dep tabıw boyınsha mámleketlik xızmeti kórsetiledi. Bul boyınsha 2024-jıl 4-noyabr kúni qabıl etilgen Ózbekstan Respublikası Ministrler Kabinetiniń 734-sanlı Qararı menen Hákimshilik Reglament tastıyıqlandı.
Qarar menen, usı xızmet 2025-jıl 1-yanvardan baslap Mámleketlik xızmetleri orayları hám birden-bir interaktiv mámleketlik xızmetleri portalı (my.gov.uz) arqalı kórsetile baslanadı.
Puqaralar ózleri jasap turǵan turaq-jaylarǵa múlk huqıqı bar yáki joqlıǵına qaramastan, mámleketlik xızmetinen paydalanadı. Mámleketlik xızmetinen paydalanıw ushın isenim xatı talap etilmeydi.
Arzalar birden-bir interaktiv mámleketlik xızmetleri portalı arqalı dem alıw hám bayram kúnlerine qaramastan, úziliksiz qabıl etiledi hám de onı elektron sanlı tańba menen menen tastıyıqlaw talap etilmeydi. Onlayn hám oflayn arza beriwde puqaradan sorawnamadan tısqarı basqa maǵlıwmat hám hújjetlerdi soraw qadaǵan etiledi.
Sorawnama toltırılǵannan keyin maǵlıwmatlar durıslıǵı tekserilip, tańbalar identifikaciya quralları (daktiloskopiya, elektron sanlı tańba, mobil-ID hám basqalar) arqalı tastıyıqlanadı. Mámleketlik xızmetti kórsetkenlik ushın tólem óndirilmeydi.
Mámleketlik xızmet komissiya tárepinen 7 jumıs kúninde kórip shıǵılıp, ornına shıqqan halda turaq-jaydıń termitler hám basqa zıyanlı jánliklerden zıyanlanǵanlıq dárejesin, texnikalıq jaǵdayın, jayda jasaw múmkinshiligi bar ekenligi hám de jaramsız jaǵdayǵa kelgenligin anıqlaydı.
Bunda úyreniw nátiyjesinde turaq-jaydıń jaramsız jaģdayģa kelgenligi tastıyıqlansa, xabarnama qosımsha túrde tiyisliliginshe Qaraqalpaqstan Respublikası Ministrler Keńesi, wálayatlar hám Tashkent qalası hákimliklerine turaq-jaydı jasawģa belgilenbegen jaylar qatarına ótkeriw hám de turaq-jay fondınan shıģarıw máselesin kórip shıģıw ushın jiberiledi.
Eger sorawnamada nadurıs yamasa qáte maǵlıwmatlar kórsetilse, turaq-jaydı kórip shıǵıwǵa tosqınlıq etilse hám de onıń texnikalıq jaǵdayı jasaw imkaniyatın berse xızmet kórsetiwden bas tartıwǵa tiykar boladı. Basqa tiykarlar menen xızmet kórsetiwden bas tartıw qadaǵan etiledi.
Arza beriwshige berilgen juwmaq aldaģı waqıtlarda oģan belgilengen tártipte mámleket tárepinen turaq-jay menen támiyinlew ushın tiykar bolıp esaplanadı.

M.Allambergenov
Taxtakópir rayonı ádillik bólimi
Mámleketlik xızmetler orayı bólim baslıǵı.