Янгиликлар

Ekstremizm hám terrorizmge qarsı gúresiw – áhmiyetli wazıypa

Ekstremizm hám terrorizm illetiniń sońǵı waqıtlarda barǵan sayın kúsheyip baratırǵanlıǵı, oǵan qarsı gúresiw máselesi áhmiyetli ekenin kórsetedi.
Prezidentimiz bul másele boyınsha: “usı waqıtta dúnyanıń ayırım aymaqlarında júzege kelgen tınıshsızlıqlar xalıq migraciyasınıń kúsheyiwine, bul bolsa, óz gezeginde, terrorizm hám ekstremizmniń tarqalıwına hám de olardıń global máselelerdiń birine aylanıwına alıp kelmekte. Bunday jaǵdaylarda milliy mámleketshiligimiz, ǵarezsizligimiz, puqaralarımızdıń tınısh hám paráwán ómiri hám qáwipsizligimizdi saqlaw biz ushın eń áhmiyetli wazıypaǵa aylanıp atır” dep aytıp ótken edi.
Hámmemizge belgili, jurtımızda túrli tarawlarında erisip atırǵan úlken jeńislerdiń negizinde jámiyetimizde húkim súrip atırǵan tınıshlıq hám paraxatshılıq bolıp tabıladı. Usı tınıshlıq hám qáwipsizlik, turaqlılıqqa qáwip salıwshı túrli radikal kúshlerge qarsı gúresiw hár bir mámlekettiń tiykarǵı wazıypası esaplanadı. Tınısh hám abadan turmısımızǵa qáwip salıwshı kúshler bul ekstremizm hám terrorizm bolıp tabıladı.
Házirgi kúnde ásirese jaslarımız “Internet” tarmaǵı arqalı ekstremestik aǵımlar tásirine túsip qalıwı jaǵdayları ushıraspaqta.
Ekstremizm hám terrorizm menen baylanıslı hákimshilik huqıqbuzarlıqlar hám jınayıy is-háreketler ushın Ózbekstan Respublikası Hákimshilik juwapkershilik haqqındaǵı Kodeksiniń 184-2-statyasına hám de Ózbekstan Respublikası Jınayat Kodeksiniń 244-1-statyasına muwapıq hákimshilik hám jınayıy juwapkershilikke tartılıwı belgilengen.
Juwmaqlap aytqanda, terrorizm hám ekstremizmge qarsı gúresiw hám onıń aldın alıw áhmiyetli bolıp esaplanadı.

Qaraózek rayonı ádillik bólimi
Yuridikalıq xızmet kórsetiw
orayı baslıǵı: D.Amaniyazov