Янгиликлар
20
Mámleket múlkin ijaraǵa beriw tártibi belgilendi
2023-jıl 14-dekabr kúni Ózbekstan Respublikası Ministrler Kabinetiniń 660-sanlı Qararı menen “Mámleket múlkin ijaraǵa beriw tártibi haqqında”ǵı Reje tastıyıqlandı. <br>
Rejege bola, mámleket múlkin ijaraǵa beriw processi hár qanday fizikalıq hám yuridikalıq shaxs (keyingi orınlarda - baslama kórsetiwshi) baslaması tiykarında baslanıwı múmkin.<br>
Bunda baslama kórsetiwshi tikkeley Ózbekstan Respublikası Mámleketlik aktivlerin basqarıw agentligi janındaǵı Mámleket múlki obyektlerinen nátiyjeli paydalanıw orayına yáki mámleket múlki jaylasqan onıń aymaqtaǵı ijaraǵa beriwshige:<br>
mámleket múlkiniń xarakteristikası hám jaylasqan ornın;<br>
balansda saqlawshını (bunday maǵlıwmatlarǵa iye bolǵan jaǵdayda) kórsetken halda usınısın jazba yamasa elektron túrde usınadı.<br>
Orayǵa kelip túsken usınıslar sol kúnniń ózinde kórip shıǵıw ushın ijaraǵa beriwshige jiberiledi.<br>
Ijaraǵa beriwshi usınıs tiykarında 2 kún múddette balansda saqlawshıǵa mámleket múlkin ijaraǵa beriw boyınsha múnasibet bildiriw júzesinen soraw jiberedi.<br>
Ijaraǵa beriwshi balansda saqlawshınıń arzası kelip túskennen keyin 2 kún múddette mámleket múlkin «E-aukcion» elektron sawda platforması arqalı onlayn-aukcion sawdasına shıǵaradı.<br>
Ijaraǵa alıwshı tárepinen social tarawdaǵı obyekt quramındaǵı jerde:<br>
Imarat hám qurılmalar, atap aytqanda, jer astı imaratların qurıw (jeńil konstrukciyalı imaratlar bunnan tısqarı);<br>
Kewil ashar obyektler iskerligin shólkemlestiriw (mádeniyat obyektleriniń jer uchastkaları bunnan tısqarı) qadaǵan etiledi.<br>
Mámleket múlki ijarasınıń eń kóp múddeti:<br>
bir ijara shártnaması sheńberinde 6 jıl;<br>
mámleketlik emes professional bilimlendiriw shólkemleri hám de kishi isbilermenlik subyektleri, sonday-aq, jeke medicina shólkemleri ushın 10 jıl etip belgilenedi.<br>
Mámleket múlki obyektlerin ijaraǵa beriw ushın aukcionga shıǵarılǵanda, ijaraǵa beriw múddeti 3 jıl etip belgilenedi.<br>
Kóshpes múlk 1 jıldan kem bolmaǵan múddetke ijaraǵa berilgende, ijara shártnaması mámleketlik diziminen ótkeriliwi shárt.<br>
Avtomototransportlar sawda platformasi járdeminde onlayn-aukcion arqalı ijaraǵa berilgende, ijara shártnamaların notarial tártipte tastıyıqlaw talap etilmeydi.<br>
Ijaraǵa berilip atırǵan múlkti esapqa alıw hám maǵlıwmatlar bazasın júrgiziw ijaraǵa beriwshi tárepinen online-ijara. uz málimleme sisteması arqalı ámelge asırıladı.<br>
Juwmaqlap aytqanda, qabıl etilip atırǵan nızamshılıq hújjetleri insan huqıq hám erkinliklerin, olardıń nızamlı máplerin qorǵaw hám múnasip jasaw shárayatların támiyinlewge hám de yuridikalıq shaxslarǵa óz iskerligin ámelge asırıwda keń imkaniyatlar jaratıp beriwge xızmet etedi. <br>
<br>
<br>
Qaraózek rayonı ádillik bólimi<br>
Yuridikalıq xızmet <br>
kórsetiw orayı bas yuriskonsultı T.Tleubaev