Янгиликлар
28
Konstituciyalıq reformalar. Ekologiyalıq huqıqlardıń kepillikleri.
Jańalanǵan Konstituciyada ekologiya salasındaǵı múnásibetlerdi tártipke salıwdıń tiykarların bekkemlewge ayrıqsha itibar qaratılǵanın Alǵı sózden baslap kóre alamız.
Bunda Ózbekstannıń birden-bir xalqı Konstituciyanı qabıl etiwde mámleketimizdiń biybaha tábiyǵıy baylıqların kóbeytiwge, házirgi hám keleshek áwladlar ushın qásterlep abaylawǵa, qorshaǵan ortalıqtıń tazalıǵın saqlawǵa jigerli túrde bel baylaǵanı aytılǵan.
Konstituciyanıń 49-statyasında hár kimniń qolaylı qorshaǵan ortalıqqa, onıń jaǵdayı haqqında isenimli málimlemege iye bolıw huqıqı bekkemlengen.
Mámleket puqaralardıń ekologiyalıq huqıqların támiyinlew hám qorshaǵan ortalıqqa zıyanlı tásir kórsetiliwine jol qoymaw maqsetinde qala qurılısı jumısı tarawında jámiyetlik qadaǵalawdı ámelge asırıw ushın sharayatlar jaratadı delingen.
Mámleket turaqlı rawajlanıw principine muwapıq, qorshaǵan ortalıqtı jaqsılaw, tiklew hám qorǵaw, ekologiyalıq teń salmaqlıqtı saqlaw boyınsha ilájlardı ámelge asıradı.
Bunda, Ózbekstan Respublikası Ministrler Kabineti qorshaǵan ortalıqtı qorǵaw, tábiyǵıy baylıqlardı hám biologiyalıq hár túrlilikti saqlaw, klimat ózgeriwine, epidemiyalarǵa, pandemiyalarǵa qarsı gúresiw hám de olardıń aqıbetlerin jumsartıw tarawlarında birden-bir mámleketlik siyasattıń ámelge asırılıwın támiyinlewi aytılǵan.
Óz ornında puqaralar qorshap turǵan tábiyǵıy ortalıqqa abaylı túrde qatnas jasawǵa minnetli esaplanadı.
Menshik iyesiniń óziniń múlkinen paydalanıwı qorshaǵan ortalıqqa zıyan keltirmewi kerek.
Konstituciyaǵa, mámleket Aralboyı regionınıń ekologiyalıq sistemasın qorǵaw hám de tiklew boyınsha ilajlar kóredi degen normanıń kirgiziliwi xalıq hám keleshek áwladlar ushın qolay hám ekologiyalıq taza aymaqtı saqlap qalıw, Aralboyı regionında jasawshı adamlardı sociallıq-ekonomikalıq jaqtan qollap-quwatlaw, jumıssızlıqtı azaytıwdı támiyinlewdiń konstituciyalıq kepilliklerin jaratadı.
Nókis qalası ádillik bólimi
Yuridikalıq xızmet kórsetiw orayı
bas yuriskonsultı G.Dauletova