Янгиликлар
28
Hár kim bilim alıw huqıqına iye.
Hár kim bilim alıw huqıqına iye.
Ózbekstan Respublikası Konstituciyasınıń IX bap 50-statyasında «Hár kim bilim alıw huqıqına iye. Mámleket úzliksiz bilimlendiriw sisteması, onıń hár qıylı túrleri hám formaları, mámleketlik hám mámleketlik emes bilimlendiriw shólkemleriniń rawajlanıwın támiyinleydi.
Mámleket mektepke shekemgi bilimlendiriw hám tárbiyanı rawajlandırıw ushın sharayatlar jaratadı. Mámleket biypul ulıwma orta bilim beriw hám baslanǵısh professional bilim alıwǵa kepillik beredi. Ulıwma orta bilim beriw májbúriy bolıp tabıladı. Mektepke shekemgi bilimlendiriw hám tárbiya, ulıwma orta bilimlendiriw mámleket qadaǵalawında boladı.
Bilimlendiriw shólkemlerinde ayrıqsha bilim mútájliklerine iye bolǵan balalar ushın inklyuzivlik bilim hám tárbiya támiyinlenedi» dep kórsetilgen.
Bilimlendiriw tarawın rawajlandırıwda Ózbekstan Respublikası Konstituciyası ayrıqsha orın iyeleydi. Konstituciyaǵa bilim alıw huqıqı haqqındaǵı statyanıń kiritiliwi puqaralar ushın birneshe jeńilliklerdi jarattı, yaǵnıy bilimdi insannıń tiykarǵı huqıqı retinde qabıl etiwdi, bárshe puqaralar ushın bilim alıwda teń imkaniyatlar jaratıwǵa járdem beredi hám sociallıq teńsizlikti kemeyttiredi.
Kegeyli rayonı ádillik bólimi
PHAJ bólimi 1-dárejeli inspektorı: R.P.Samambetova