Янгиликлар
26
MDH mámleketleri, shet el puqaraları, puqaralıǵı bolmaǵan shaxslardıń hám Ózbekstan Respublikasınıń shet elde jasawshı puqaraları menen neke diziminen ótkeriw tártibi
MDH mámleketleri, shet el puqaraları, puqaralıǵı bolmaǵan shaxslardıń hám Ózbekstan Respublikasınıń shet elde jasawshı puqaraları menen neke diziminen ótkeriw tártibi
Ózbekstan Respublikasınıń shańaraq kodeksine muwapıq Ózbekstan Respublikası PHAJ organlarında Ózbekstan Respublikası puqaralarınıń MDH mámleketleri, shet el puqaraları hám puqaralıǵı bolmaǵan shaxslar menen neke diziminen ótiw hám de shet el puqaraları ortasında neke diziminen ótkeriw tártibi ulıwmalıq tiykarlarda ámelge asırıladı.
Ózbekstan Respublikası hám shet el puqaraları yaki puqaralıǵı bolmaǵan shaxslar ortasında neke diziminen ótkeriwde eger shet el puqaralarınıń yaki puqaralıǵı bolmaǵan shaxslardıń Ózbekstan Respublikasıda bolıw vizası talap etiledi.
Bunda shet el puqaraları yaki puqaralıǵı bolmaǵan shaxslardıń neke diziminen ótiw arzasında onıń shaxsın tastıyıqlaytın hújjet nusxası hám de shet el puqarası yaki puqaralıǵı bolmaǵan shaxstıń neke diziminen ótpegenligi haqqındaǵı belgilengen tártiptegi legalizaciya etilgen yaki apostil qoyılǵan hújjet (mámleketlik tiline awdarması menen birge) qosımsha etiliwi lazım.
Shet elde turaqlı jasawshı Ózbekstan Respublikası puqarasınıń neke diziminen ótiwde sol mámleket nızamshılıǵına tiykar onıń wákillikli organları tárepinen yaki Ózbekstan Respublikasınıń konsullıq shólkemlerinde usı qaǵıydalarǵa tiykar ámelge asırıladı.
Ózbekstan Respublikası puqarasınıń shet el puqaraları yaki puqaralıǵı bolmaǵan shaxs penen neke diziminen ótiw, eger neke diziminen ótiw Ózbekstan Respublikasınıń konsullıq shólkemi aymaǵında jaylasqan sol mámlekettiń nızamları menen tán alınǵanda, sonday-aq imzalawda sol mámleket hám Ózbekstan Respublikası qatnasqan pitim yaki xalıqara shártnamalarǵa muwapıq jaǵdaylarda konsul tárepinen ámelge asırıladı.
Basqa mámlekette jasawshı Ózbekstan Respublikasınıń puqarası menen sol mámlekettiń tiyisli organlarında neke diziminen ótpekshi bolǵan sol mámleket puqarasınıń iltimasına kóre, konsul neke diziminen ótkeriwshi sol mámleket organlarına usınıs etiw ushın arza beriwshi Ózbekstan Respublikası puqarası nekede turmaǵanlıǵı haqqındıǵı maǵlıwmatnamasın usınıs etiliwi múmkin.
Bunday maǵlıwmatnamalar konsullıq shólkemlerde bar bolǵan maǵlıwmatlar tiykarında beriledi.
Eger konsullıq shólkemlerde nekeleniwshi shaxslardıń shańaraq jaǵdayı haqqında maǵlıwmatlar bolmasa konsul bul maǵlıwmatlardı Ózbekstan Respublikası sırtqı isler ministrligi arqalı Ózbekstan Respublikası Ádillik ministrliginen aladı dep kórsetilgen.
Taqıyatas rayonı PHAJ bólimi
1-dárejeli inspektorı J.Tashimova