Янгиликлар
26
Shańaraqtaǵı nekeden aldın medicinalıq kórikten ótiwdiń áhmiyeti
Shańaraqtaǵı nekeden aldın medicinalıq kórikten ótiwdiń áhmiyeti
Shańaraq adam ómiriniń tiykarǵı buwını. Shańaraqtıń bekkem bolıwın oylap, nekeden aldın kelin-kuyewdi medicinalıq kórikten ótkeriw taza shańaraqtın bekkemligin hám tuwılatuǵın perzentlerdiń barkamallıǵın táminleydi.
Nekeden aldın medicinalıq kóriktiń ahmiyetin jol-jobasın aytatuǵın bolsaq; bolajaq kelin-kuyewlerdin medicinalıq kórikten ótiwi biypul esaplanadı.Ózbekstan Respublikası Ministrler Kenesinıń 2003-jil 25 avgusttaǵı « Nekeleniwshi shaxslardı medicinalıq kórikten ótkiziw haqqındaǵı nızamdı tastıyıqlaw haqqında»ǵı qararına muwapıq, bolajaq kelin-kuyewler biypul kórikten ótkiziledi. Nekeleniwshi shaxslardi medicinalıq kórikten ótkiziwden tiykarǵı maqset-nasillik keselliklerdin aldın alıw, shańaraqta salamat ortalıqtı jaratıw bolıp tabıladı. Barlıq nekeleniwshiler turmıs qurıwdan aldın medicinalıq kórikten ótiwi shárt. Sodan keyin, medicinalıq kóriktiń juwmaǵına qarap, bolajaq shańaraq wákilleri qarar qabıl qıladı.
Nekeleniwshi shaxslardıń medicinalıq kórikten ótiwinıń qay tártipte ámelge asırılıwın aytatuǵın bolsaq «Nekeleniwshi shaxslar birden-bir Interaktiv mámleketlik xizmetleri portalı arqalı nekeni dizimge alıw ushın arza beredi. Sodan keyin, jiberilgen arzanı PHAJ bólimı kórip shıǵıp, nekeleniwshi shaxslarǵa medicinalıq kórikten ótiw ushın jollanba beredi. Jollanbanı házirde PHAJ bólimlerine kelip qaǵaz formasında alsa da boladı. Jollanbanı alıp ózine jaqın kóp tarmaqlı poliklinikaǵa baradı. Medicinalıq kórikten ótkennen soń, neke dúziwge Ózbekstan Respublikası Shańaraq Kodeksinde názerde tutılǵan tosıqlar bolmaǵanda, PHAJ bólimleri tárepinen nekeni dizimge alıw belgilengen tártipte ámelge asırıladı.
Bolajaq jas shańaraq qanday Medicinalıq kórikten ótiw haqqında aytatuǵın bolsaq:
Jaslar kóp tarmaqlı oraylıq poliklinikalarda biypul dispanserizatsiyadan, yaǵnıy kardiolog, endokrinolog, revmatolog qaniygeleri menen neke aldı medicinalıq kórikten ótedi hámde qosımsha UTT, EKG, ulıwma qan analizi, qandaǵı qant muǵdarı anıqlanadı. Sonday-aq, ruxıy kesellikler (shizofreniya,epilepsiya,oligofreniya) boyınsha tekseriw, narkologik kesellikler boyınsha tekseriw, zaqım boyınsha tekseriw, sil boyınsha tekseriw, OIV/OITS boyınsha tekseriw alıp barıladı. Nekeleniwshi shaxslardıń medicinalıq kórik natiyjeleri haqqında medicina birlespesi juwmaǵı maǵlıwmatnamada kórsetiledi. Maǵlıwmatnama medicina birlespesiniń móri hám basshısınıń imzası menen tastıyıqlanadı.
Qaraózek rayonı ádillik bólimi
PHAJ bólimi 1-dárejeli inspektorı E.Sultamuratova