Янгиликлар
26
Sırt el puqaralarına Ózbekstan Respublikası aymaǵında miynet iskerligin ámelge asırıw huqıqın beretuǵın tastıyıqnama beriw tártibi
Sırt el puqaralarına Ózbekstan Respublikası aymaǵında miynet iskerligin ámelge asırıw huqıqın beretuǵın tastıyıqnama beriw tártibi
Ózbekstan Respublikası Ministrler Kábinetiniń 2022-jıl 22-fevral daǵı “Arnawlı elektron sistema arqalı ruxsat etiw ózgeshelikine iye ayırım hújjetlerdi beriw tártip-dástúrleri tuwrısındaǵı birden-bir qaǵıydanı tastıyıqlaw haqqında”ǵi 86-san sheshimi menen Arnawlı elektron sistema arqalı ruxsat etiw ózgeshelikine iye ayırım hújjetlerdi beriw tártip-dástúrleri tuwrısında birden-bir qaǵıyda tastıyıqlanǵan.
Bul qaǵıydaniń 20-qosımshasinda Ózbekstan Respublikası aymaǵında miynet iskerligin ámelge asırıw huqıqın beretuǵın tastıyıqnama pasportı ámeldegi bolıp bul xızmetten yuridikalıq shaxslar (jumıs beretuǵın) hám fizikalıq shaxslar (jumıs beretuǵın yamasa sırt el puqarası) paydalanıwı múmkin.
Qaǵıydaǵa kóre Ózbekstan Respublikası Bántlik hám miynet qatnasları ministrligi janındaǵı Sırtqı miynet migratsiyasi máseleleri agentligi ruxsat etiw tártip-dástúrleri salasındaǵı kepillikli organ esaplanadi. Arzanı kórip shıǵıw ushın tólenetuǵın jıyim muǵdarı bazalıq esaplaw muǵdarınıń 1 esesi etip belgilengen. Arzanı kórip shıǵıw múddeti 15 jumıs kúni etip belgilengen.
Ruxsat etiw ózgeshelikine iye hújjettiń ámel qılıw múddeti:
a) jumıs beretuǵınlarǵa tastıyıqnamalar joqarı maman hám maman qánigeler, sonıń menen birge, Prezident mektepleri hám joqarı oqıw orınlarında islew ushın qosılıp atırǵan oqıtıwshılar hám qánigeler ushın — miynet shártnamaları ámel etetuǵın múddetke, biraq úsh jıldan artıq bolmaǵan múddetke sheksiz márte uzaytırıw múmkinshiligi menen, biraq hár bir jaǵdayda bir jıldan artıq bolmaǵan múddetke;
b) Kishi bizneske kómeklesiw orayları usınısına tiykarlanıp jańa joybarlar sheńberinde tar sheńber degi qánige retinde tartılǵan sırt el puqaraları ushın — tastıyıqnamalar miynet shártnaması ámel etetuǵın múddetke, biraq úsh jıldan artıq bolmaǵan múddetke sheksiz márte uzaytırıw múmkinshiligi menen, biraq hár bir jaǵdayda úsh jıldan artıq bolmaǵan múddetke;
v) basqa sırt el puqaraları ushın — tastıyıqnamalar miynet shártnaması ámel etetuǵın múddetke, biraq bir jıldan artıq bolmaǵan múddetke sheksiz márte uzaytırıw múmkinshiligi menen, biraq hár bir jaǵdayda bir jıldan artıq bolmaǵan múddetke beriledi.
Ruxsat etiwge tiyisli tómendegi talap hám shártler ámeldegi:
a) miynet, miynetti qorǵaw, xalıq bandligi, jumıs beriwshiniń puqaralıq minnetlemelerin májburiy qamsızlandırıw tuwrısındaǵı nızamshılıq hújjetlerine ámel qılıw ;
b) soralıp atırǵan sırt el puqaralarina sanı hám qánigeligi (lawazımları) jumısshı kúshine bolǵan ámeldegi mútajlikke sáykes keliwi;
v) sırt el puqaraları tárepinen Ózbekstan Respublikası nızamshılıq hújjetlerine qarsı, sonday-aq, jınayatlı juwapkerlikti keltirip shıǵarıwshı háreketlerdi júz etpeslik;
g) kepillikli organǵa usınıs etilgen maǵlıwmatlarda (shólkem tuwrısında maǵlıwmatlar, arzalar, sorawnamalar, pasport maǵlıwmatları hám basqalar ) bolǵan hár qanday ózgerisler haqqında kepillikli organdı bir hápte múddette xabarlı qılıw ;
d) vizasining múddeti tawsılǵan yamasa migratsiya hám puqaralıqtı rásmiylestiriw bólimlerinde 3 kúnden artıq múddet dawamında dizimnen ótpegen, Ózbekstan Respublikasında bolıp turǵan sırt el puqaraları ushın tastıyıqnama alıw ushın hújjetler usınıs etpeslik;
Jumıs beriwshige qoyılatuǵın qosımsha talap hám shártler:
e) Ózbekstan Respublikası aymaǵında miynet iskerligin ámelge asırıw huqıqın beretuǵın tastıyıqnama múddeti tawısilǵannan keyin sırt el puqarası menen dúzilgen miynet shártnamasın bıykarlaw ;
yamasa sırt el puqarası jumistan bosatilsa yamasa shólkem tamamlanılǵan bolsa, wákilikli organdı bir hápte múddette xabarlı qılıw.
Taqiyatas rayonı ádillik bólimi
Mámleketlik xızmetleri orayı
bólimi baslıǵı Sh.Sariyev