Янгиликлар
14
Reklama haqqındaǵı nızamshılıqtı buzǵanlıq ushın juwapkershilik
Reklama haqqındaǵı nızamshılıqtı buzǵanlıq ushın juwapkershilik
2022-jıl 09-sentyabr kúni kúshke kirgen «Reklama haqqında»ǵı ÓRN-776-sanlı Ózbekstan Respublikası Nızamınıń maqseti reklamanı tayarlaw, jaylastırıw hám tarqatıw tarawında múnásibetlerdi tártipke saladı. Reklama Ózbekstan Respublikası aymaǵında Ózbekstan Respublikasınıń mámleket tilinde tarqatılıwı, reklama mazmunınıń basqa tillerdegi awdarması bayanı onıń Ózbekstan Respublikası mámleket tilindegi tiykarǵı mánisi buzıp kórsetilmewi kerekligi, reklamanıń basqa tillerdegi awdarması bayanındaǵı háriptiń ólshemi Ózbekstan Respublikası mámleket tilindegi reklama bayanı háribiniń ólsheminen kishi bolıwı kerekligi belgilengen. Bul nızam menen reklamada jınsı, ırqı, milleti, tili, dini, isenimi, sociallıq kelip shıǵıwı, sociallıq dárejesine qaray, basqa jaǵdaylarǵa kóre kemsitiw yamasa ózge shaxslardıń tovarların joq etiw yáki jaman dárejege túsiriw qadaǵan etilgen, sonday aq fizikalıq shaxstıń atınan yamasa kórinisinen onıń kelisimisiz paydalanıw, mámleket nıshanlarınan paydalanıw, mektepke shekemgi bilimlendiriwde hám de tárbiyada, ulıwma orta, orta arnawlı hám professional bilimlendiriwde paydalanılatuǵın baspalarda (sabaqlıqlarda, mektep kúndeliklerinde, mektep dápterlerinde hám basqalarda) tovarlardı reklama qılıw, bahalardı (tariflarni) shet el valyutasında kórsetiw; náshebentlik quralların yamasa psixotrop hám (yáki) kúshli tásir etiwshi elementlerdi, pornografiya ónimlerin reklama qılıw qadaǵan etiledi, qumar oyınları hám táwekelshilikke tiykarlanǵan basqa oyınlar, sonıń ishinde telekommunikaciya tarmaqlarınan, sonday aq internet dunya málimleme tarmaǵınan paydalanǵan halda shólkemlestiriletuǵın qumar oyınları hám táwekelshilikke tiykarlanǵan basqa oyınlar reklamasına jol qoyılmaydı. Lotereyalar reklaması hár bir jaǵdayda jas óspirimlerdiń lotereyalarda qatnasıwına jol qoyılmawı haqqında eskertiw menen birge beriliwi belgilengen, sonday aq jas óspirimlerdi reklamada qorǵaw boyınsha usı nızamnıń 17-statyasında belgilengen bolıp, bunda olardıń isenimin hám tájiriybesi jetispewshiliginen qorǵaw maqsetinde jas óspirimlerdiń paydalanıwı qadaǵan etilgen zatlardı paydalanıp atırǵan yaki olardan paydalanıp atırǵan jas óspirimlerdiń kórinislerinen paydalanıw, olardıń ómirine hám den sawlıǵına qáwip salıwshı háreketlerdi isletiwge, jas óspirimlerdi zatlardı alıwǵa úndew yamasa reklama etilip atırǵan tovarlardı alıwdı ótinish etip úshinshi shaxslarǵa úndew, haqıyqıy yamasa oyınshıq quraldan paydalanıw, ata-analar hám tárbiyashılardı abıroysızlandırıw, jas óspirimlerdiń olarǵa bolǵan isenimine zıyan jetkeriw, jas óspirimlerdiń alıwı yamasa paydalanıwı qadaǵan etilgen tovarlardı jas óspirimler ushın arnalǵan telekanallarda, telekórsetiwler hám radioesittiriwlerde reklama etiw qadaǵan etilgen bolıp usı reklama haqqındaǵı nızamshılıqtı buzǵanı ushın qarjılıq sankciyalar belgilengen yaǵnıy bunda islep shıǵarılıwı, realizaciya etiliwi yáki reklama etiliwi nızamshılıqta qadaǵan etilgen yáki sheklengen ónim haqqında reklama tarqatǵanlıq - bazalıq esaplaw muǵdarınıń júz esesi muǵdarında járiyma, qabıl etiwge bolmaytuǵın reklama bergenlik, aksilreklamanı beriwdi bas tartqanlıq - bazalıq esaplaw muǵdarınıń jetpis esesi muǵdarında járiyma salıwǵa sebep boladı.
Energetik ishimlikler, alkogollı ishimlikler, temeki ónimlerin hám de temeki hám nikotindi paydalanıw úskeneleri, pirotexnika quralları, qural hám onıń oq dárileri, áskeriy maqsetdegi ónimler reklamasına tiyisli talaplardı buzǵanlıq, sonıń menen birge sırtqı reklama hám málimlemeni jaylastırıw tártibin buzǵanlıq - bazalıq esaplaw muǵdarınıń eliw esesi muǵdarında járiyma, jas óspirimler ushın arnalǵan reklamaǵa, dári ónimleri, biologiyalıq aktiv hám azıq-awqat qosımshaları, sonday aq balalar azıq-awqat ónimleri reklamasına tiyisli talaplardı buzǵanlıq - bazalıq esaplaw muǵdarınıń otız esesi muǵdarında járiyma salıwǵa sebep bolatuǵınlıǵı belgilengen.
Bul nızamda reklama haqqındaǵı nızamshılıqtı buzǵan ayıplı shaxslarǵa belgilengen tártipte juwapkershilik belgilengen, bunda reklama beriwshi reklama haqqındaǵı nızamshılıqtıń reklama tayarlaw ushın usınılatuǵın málimleme mazmunına tiyisli bólegi buzılǵanlıǵı ushın, eger usı nızam buzıwshılıq reklama tayarlawshınıń yamasa reklama tarqatıwshınıń aybı menen júz bergenligi dálilllense, reklama tayarlawshı reklama haqqındaǵı nızamshılıqtıń reklama tayarlawǵa tiyisli bólegi buzılǵanlıǵı ushın, reklama tarqatıwshı reklama haqqındaǵı nızamshılıqtıń reklamanı tarqatıw waqtı, ornı hám qurallarına tiyisli bólegi buzılǵanlıǵı ushın juwapker bolatuǵını belgilengen.
Taxtakópir rayonı Yuridikalıq xızmet
kórsetiw orayınıń bas yuriskonsultı: D.Shaxanov