Янгиликлар
04
Nızamshılıqtaǵı jańalıqlar
Nızamshılıqtaǵı jańalıqlar
Ózbekstan Respublikası Prezidentiniń “2022-2026-jıllarǵa arnalǵan Jańa Ózbekstannıń rawajlanıw strategiyasın “Insanǵa itibar hám sapalı bilim jılı”nda ámelge asırıwǵa baylanıslı mámleketlik baǵdarlamsı haqqında” 2023-jıl 28-fevraldaǵı PF-27-san Pármanı orınlanılıwın támiyinlew, sonıń menen birge, sociallıq qorǵaw sistemasına informacion-kommunikaciya texnologiyaları engiziliwin keńeytiw hám de
kem támiyinlengen shańaraqlarǵa sociallıq járdemler kórsetiw tártibin jáne de jetilistiriw maqsetinde Ministrler Kabinetiniń 2023-jıl 10-noyabr kúngi 596-sanlı qararı qabıllandı.
Qararǵa tiykar “Sociallıq qorǵaw birden-bir reyestri” málimleme sisteması arqalı kem támiyinlengen shańaraqlardı anıqlaw, olarǵa sociallıq napaqalar belgilew hám de maǵlıwmatnama alıw ushın elektron kóriniste arza beriw boyınsha mámleketlik xızmet kórsetiwdiń hákimshilik reglamenti tastıyıqlandı.
Bul Reglament “Sociallıq qorǵaw birden-bir reyestri” málimleme sisteması arqalı shańaraqlardı kem támiyinlengen dep belgilew, kem támiyinlengen shańaraqlar balaları ushın napaqa hám materiallıq járdem belgilew hám de maǵlıwmatnama alıw ushın elektron kóriniste arza usınıw boyınsha mámleketlik xızmet kórsetiw tártibin belgileydi.
Arza beriwshi mámleketlik xızmetten paydalanıw ushın mámleketlik xızmetler orayına kelip múrájat etedi, mámleketlik xızmetlerden elektron tárizde paydalanıw ushın Birden-bir interaktiv mámleketlik xızmetler portalınan dizimnen ótedi yamasa “Insan” sociallıq xızmetler oraylarındaǵı sociallıq xızmetkerlerge múrájat etedi.
Mámleketlik xızmet kem támiyinlengen shańaraqtıń 18 jasqa tolǵan social napaqa almaqshı bolǵan Ózbekstan Respublikası puqarası, Ózbekstan Respublikası aymaǵında jasaw gúwalıǵına iye bolǵan shet el puqarası yamasa puqaralıǵı bolmaǵan shaxslarǵa kórsetiledi.
“Birden-bir reyestr” AT arqalı kem támiyinlengen dep belgilengen shańaraq (shaxs)ǵa Birden-bir interaktiv mámleketik xızmetler portalı yamasa Mámleketlik xızmetler orayı arqalı úsh minut ishinde maǵlıwmatnama usınıladı.
Bul maǵlıwmatnama nızamshılıq hújjetlerinde belgilengen xızmetlerden paydalanıw hám jeńilliklerdi alıw ushın usınıladı hám kem támiyinlengen dep belgilengen aydan baslap on eki ay dawamında ámel etedi.
Qaraózek rayonı ádillik bólimi
Mámleketlik xızmetler orayı
bólim baslıǵı A.Dosımbetov