Янгиликлар
31
Awır turmıslıq jaǵdayǵa túsken shaxslar ushın psixologiyalıq járdem kórsetiledi.
Awır turmıslıq jaǵdayǵa túsken shaxslar ushın psixologiyalıq járdem kórsetiledi.
Jámiyettegi awır turmıslıq jaǵdayǵa túsken shaxslar ushın psixologiyalıq járdem kórsetiw boyınsha is-ilajlar dawamlı túrde alıp barılmaqta.
Nızamshılıqqa kóre, Sociallıq qorǵaw milliy agentligi tárepinen sociallıq xızmetler hám járdemler eksperiment tárizinde jolǵa qoyılatuǵın rayon (qala)larda “Insan” sociallıq xızmetler kórsetiw oraylarında 2023-jıl 1-noyabrden baslap awır turmıslıq jaǵdayǵa túsken shaxslar ushın psixologiyalıq járdem kórsetiw belgilengen. (Ózbekstan Respublikası Ministrler Kabinetiniń 14.10.2023-jıldaǵı “Xalıqtıń sociallıq qorǵaw alıw huqıqların támiyinlew hám de mámleket sociallıq járdemi hám xızmetlerin kórsetiwge tiyisli qosımsha is-ilajlar haqqında”ǵı 539-sanlı qararı)
Búgingi kúnde, Ózbekstandaǵı 10 joqarı oqıw orınlarında “Psixologiya”, 19 joqarı oqıw orınlarında “Pedagogika hám psixologiya” bilimlendiriw jónelisleri hám qánigelikleri, joqarı medicina oqıw orınlarında “Medicinalıq psixologiya” hám “Medicinalıq psixoterapiya” qánigelikleri boyınsha kadrlar tayarlaw jolǵa qoyılǵan.
Mektepke shekemgi bilimlendiriw sistemasında 2,5 mıńnan, ulıwma orta bilim beriw mekteplerinde 13 mıńnan zıyat pedagog-psixologlar iskerlik alıp barmaqta.
Sol menen birge, psixologiya jónelisinde másláhát beriw, onlayn hám oflayn formatta oqıw, trening, seminarlar ótkeriw arqalı jeke tártipte psixologiyalıq járdem kórsetiw iskerligi keń tarqalǵan.
Sonday-aq, Oliy Majlis Senatı tárepinen “Xalıqqa psixologiyalıq járdem kórsetiw haqqında’ǵı Nızam maqullandı. Hújjet psixologiyalıq járdem kórsetiwge qoyılatuǵın talaplardı buzǵanlıq ushın juwapkershilikti belgileydi hám bir qatar basqa talaplardı názerde tutadı.
Nızam menen xalıqqa psixilogiyalıq járdem kórsetiwdiń tiykarǵı principleri, wazıypaları, túrleri, formaları hám de standartları belgilenbekte.
Psixologiyalıq járdem kórsetiw tarawı qatnasıwshılarınıń huqıq hám minnetlemelerin belgilew, biypul psixologiyalıq járdem kórsetiletuǵın shaxslar toparın anıqlastırıw, xalıqqa psixologiyalıq járdem kórsetiw tarawındaǵı professional birlespeleri iskerliginiń huqıqıy tiykarların jaratıw kózde tutılmaqta.
Sonday-aq, Nızamda qánigeliginen basqa joqarı maǵlıwmatqa iye bolǵan shaxslar jeke tártipte psixologiyalıq járdem kórsetiw iskerligi menen shuǵıllanıwınan aldın psixologiya ushın qayta tayarlawdan ótiwi kerekligi belgilenbekte.
Shomanay rayonı ádillik bo’limi
Yuridik xızmet kórsetiw orayı baslıǵı B.Utemuratov