Янгиликлар
24
Ayrım hayal-qızlardıń kvartira pulları mámleket tárepinen tólep beriledi
Ayrım hayal-qızlardıń kvartira pulları mámleket tárepinen tólep beriledi
Ózbekstan Respublikası Ministrler Kabinetiniń 2022-jıl 31-mart sánesindegi 145-sanlı “Hayal-qızlar mashqalaların úyreniw hám sheshiw sistemasın jáne de jetilistiriw is-ilájları haqqında”ǵı qararına tiykar, máhálledegi social-ekonomikalıq jaǵdayı hám de puqaralardıń mashqalaları, mútájlikleri hám qızıǵıwları “xanadanbay” hám de olardıń múrajaátlarına tiykar ótkerilgen úyreniw nátiyjeleri boyınsha puqaralar jıyınları baslıqları hám hayal-qızlar belsendileri tárepinen úy-jay ushın ijára kompensaciyasın tólep beriw boyınsha talapnamalar qáliplestiriledi.
“Hayallar dápteri” ne kiritilgen hayal-qızlarǵa úy-jay ijára kompensaciyası sol talapnamalar hám de sectorlar baslıqları hám rayon (qala) shańaraq hám hayal-qızlar bólimi baslıǵınıń juwmaǵı tiykarında belgilengen tártipte tólep beriledi.
Bunda:
Úy-jay ijárası haqqındaǵı shártnama úsh tátepleme — ijáraǵa beriwshi, ijáraǵa alıwshı hám rayon (qala) shańaraq hám hayal-qızlar bólimi ortasında tiyisli jıldıń sońǵı kúnine shekem bolǵan múddetke dúziledi;
Úy-jay ijárası ushın tólemleriniń 50 payızı, biraq kóbi menen 500 mıń sumǵa shekem bolǵan bólegi ““Hayallar dápteri” xorı hám de Qaraqalpaqstan Respublikası respublika byudjeti, wáláyatlar hám Tashkent qala jergilikli byudjetleri qarjıları esabınan qaplap beriledi.
Úy-jay ijárası ushın tólemler ijáraǵa beriwshige tuwrıdan-tuwrı tólenedi.
“Hayallar dápteri” ne kiritilgen hayal-qızlar hám olardıń birge jasaytuǵın shańaraq aǵzaları basqa dástúrker sheńberinde, qáwenderlik yaki basqa qarjılar esabınan úy-jay menen támiyinlengen yamasa úy-jay shárayatların jaqsılaw boyınsha sociallıq járdem (kómek) alǵan yaki jeńilliklerden paydalanǵan hayal-qızlarǵa usı Reje tiykarında úy-jay ijára kompensaciyası ajratılmaydı.
Úy-jay ijára kompensaciyası tólep turılǵan dawirde úy-jay menen ta’miyinlengen yaki sociallıq úy-jayǵa jaylastırılǵan hayal-qızlarǵa jańa úy-jayǵa kóship ótken aydan baslap keyingi aydıń birinshi sánesinen úy-jay ijára kompensaciyası toqtatıladı. Usı tártip ajratılǵan úy-jay jasaw ushın sháráyatı bar bolǵan halda hayal-qızlar tárepinen kóship ótiwdi qálemegen táǵdirde de qollanıladı.
“Hayallar dápteri” ne kiritilgen hayal-qızlar nızamshılıq hújjetlerinde belgilengen tártipte sociallıq úy-jaylarǵa ijára huqıqı tiykarında bes jıldan artıq bolmaǵan múddetke keyinirek uzaytıw imkaniyatı menen jaylastırılıwı yaki qáwenderler tárepinen tárepinen múlk mulk huqıqı tiykarında úy-jay menen támiyinleniwi múmkin.
Xojeli rayonı ádillik bólimi
Yuridikalıq xızmet kórsetiw orayı
bas yuriskonsultı: U.D.Erejepova