Янгиликлар
22
PHAJ tarawındaǵı ózgerisler
PHAJ tarawındaǵı ózgerisler
2023-jıl 1-yanvardan Tashkent qalasında tuwılǵanlıqtı medicina mákemeleri arqalı PHAJ bólimlerinde dizimge alıw tártibi engizildi.
Bul boyınsha bala tuwılıwı menen medicina mákemesi bala hám ata-anası haqqındaǵı maǵlıwmatlardı,atap aytqanda,bala dizimge qoyılatuǵın poliklinika hám ishki isler bólimi,náwbetke qoyılatuǵın mámleketlik mektepke shekemgi bilimlendiriw shólkemi haqqındaǵı maǵlıwmatlardı arnawlı elektron blankaǵa kiritiledi hám avtomatikalıq tárizde PHAJ bólimine málimleme sisteması arqalı jiberedi.
PHAJ bólimi tuwılǵanlıqtı dizimge aladı hám QR-kod (matrik shtrixlı kod) qoyılǵan tuwılǵanlıq haqqındaǵı maǵlıwmatnamanı medicina mákemesine jiberedi.
Medicina mákemeleri maǵlıwmatnamanı balanıń ata-anasına beredi.
Usı maǵlıwmatnama tuwılǵanlıq haqqındaǵı gerbli guwalıqqa teńlestiriledi hámde mámleketlik uyımları hám shólkemler tárepinen qabıl etiwden bas tartıw qadaǵan etiledi.
Tuwılǵanlıq haqqındaǵı gerbli guwalıq puqaralardıń qalegen waqttaǵı múrájatına tiykar PHAJ bólimleri tárepinen eksterritoriyal princip tiykarında rásmiylestirip beriledi.
Atalıqtı belgilew hám jalǵiz ana arzasına tiykar tuwılıwdı dizimge alıwda hámde tawip alınǵan (taslap ketilgen) balanıń tuwılıwın dizimge alıwda tikkeley PHAJ bólimine múrájat etiliwi kerek.
Usı tártip 2023-jıldıń 1-iyun kuninen baslap putkil respublika aymaǵinda engizildi.
Shomanay rayonı ádillik bólimi
PHAJ bólimi baslıǵı: Z.Alieva