Янгиликлар
30
Soraw beriń juwap beremiz
Soraw beriń juwap beremiz
1. Turmıs qurǵanımızǵa 5 jıldan astı, ómirlik joldasım menen neke shártnamasın dúziw tilegi payda boldı qay jerde múráját etiwimiz múmkin?
Juwap: Ózbekstan Respublikası Shańaraq kodeksiniń 29- statyasına tiykar nekelesiwshi shaxslardıń yaki er hám hayaldıń nekede bolǵan dáwirinde yamasa er hám hayal nekeden ajirasqan jaǵdayda olardıń múlkiy huqıq hám májbúriyatların belgilewshi kelisim neke shártnaması dep esaplanadı. Neke shártnaması neke mámleketlik dizimge alınǵanǵa shekem hám sonday aq alınǵannan keyin de dúziliwi múmkin. Neke mámleketlik dizimge alınǵanǵa shekem dúzilgen neke shártnaması, neke mámleketlik dizimge alınǵan kúnnen baslap kúshke kiredi.
Neke shártnaması jazba túrde diziledi hám notarial tártipte tastıyıqlanıwı nizamshılıqta belgilenip berilgen.
2. Menıń 16 jasqa tolǵan balamnıń familiyasıń ózgertpekshi edim,
biraq házirgi waqıtta ákesi sırt elde, qalay etip familiyasın ózgertiwge boladı?
Juwap: Ózbekstan Respublikası Ministrler Kabiteniń 2023-jıl 20-oktyabr sánesindegi 550-sanlı «Neke, shańaraq hám puqaralıq halatı akt jazıwın dizimge alıw tarawında normativ-huqıqıy hújjetlerin sistemalastırıw haqqında» qararınıń 151 bándine tiykar “arza beruwshi er jetpegen yamasa sud qararı menen miynetke jaramsız dep tabılǵan jaǵdayda ata-anası yaki ámenger yamasa qáwenderdiń arzası qosımsha etiledi” dep kórsetilgenligi sebepli siziń balańızdıń familiyasın ózgertiw ushın ákesiniń kelisim arzası zárúrligin eger ol sırt elde bolsa notarial tastıyıqlanǵan kelisim arzasın usınıwızǵa boladı.
3.Sińlim shet el puqarasına turmisqa shıqpaqshı edi neke dúziw tártibi haqqında maǵlıwmat berseńiz?
Juwap : Ózbekstan Respublikası Ministrler Kabiteniń 2023-jıl 20-oktyabr sánesindegi 550-sanlı «Neke,shańaraq hám puqaralıq halatı akt jazıwın dizimge alıw tarawında normativ-huqıqıy hújjetlerin sistemalastırıw haqqında» qararınıń 89 bándine tiykar Ózbekstan Respublikası puqarası hám shet el puqarası yaki puqaralıǵı bolmaǵan shaxslar ortasında nekeni dizimge alıw eger shet el puqarasınıń yaki puqaralıǵı bolmaǵan shaxstıń Ózbekstan Respublikasında boliw vizası neke dúziletuǵın kúni haqıqıy bolsa ǵana ámelge asırıladı. Bunda shet el puqarası yaki puqaralıǵı bolmaǵan shaxstıń nekege kiriw haqqındaǵı arzaǵa onıń shaxsın tastıyıqlawshı hújjet nusxası hámde shet el puqarası yaki puqaralıǵı bolmaǵan shaxstıń nekede turmaǵanlıǵı haqqında belgilengen tártipte legalizaciya qılınǵan yamasa apostil qoyılǵan hújjet mámleketlik tilge aydarılǵan awdarması menen qosımsha etip usınıs etiliwi shárt.
T.Mambetmuratova
Bozataw rayonı ádillik bólimi
PHAJ bólimi baslıǵı