Янгиликлар
21
Nızamshılıqtaǵı jańalıqlar
Nızamshılıqtaǵı jańalıqlar
Ózbekstan Respublikası Prezidenti tárepinen usı jıldıń 5-avgust kúni óz basımshalıq penen iyelep alınǵan jer uchastkalarına hám olarǵa qurılǵan imaratlarǵa bolǵan huqıqlardı tán alıw haqqındaǵı Ózbekstan Respublikasınıń nızamına qol qoyıldı.
Nızamnıń maqseti óz basımshalıq penen iyelep alınǵan jer uchastkaları hám de olarda qurılǵan úy hám imaratlarǵa bolǵan huqıqlardı tán alıw tarawındaǵı qatnaslardı tártipke salıwdan ibarat.
Bul zárúrli hújjet penen óz basımshalıq penen iyelep alınǵan jerler hám olardaǵı ımaratlardı legallashtirishga ruxsat berildi.
Bul nızam óz basımshalıq penen iyelep alınǵan jer uchastkalarına hám de olarda qurılǵan imaratlarǵa bolǵan huqıqlardı tán alıw menen baylanıslı tómendegi 8 jaǵdaylarda qollanıladı;
1) Ózbekstan Respublikası puqaraları hám Ózbekstan Respublikası aymaǵında turaqlı jasap turǵan puqaralıǵı bolmaǵan shaxslar tárepinen 2018-jıl 1-mayga shekem jeke tártipte turaq-jay qurıw arqalı óz basımshalıq penen iyelep alınǵan jer uchastkasına hám de oǵan qurılǵan imaratlarǵa;
2) puqaralar, jeke tártipdegi isbilermenler hám rezident bolǵan yuridikalıq shaxslar nızamshılıq hújjetlerine muwapıq ajıratılǵan jer uchastkasına bolǵan huqıqtı tastıyıqlaylawshı hújjetlerde kórsetilgen jer uchastkası maydanından 2018-jıl 1-mayga shekem artıqsha iyelegen jer uchastkasına hám de oǵan qurılǵan ımaratlarǵa;
3) óz basımshalıq penen qurılǵan jeke tártipdegi turaq-jaylarǵa bolǵan múlk huqıqın Ózbekstan Respublikası Ministrler Kabinetiniń qararına tiykarlanıp shólkemlestirilgen Kóshpes mulkka bolǵan huqıqtı tán alıw jumısların shólkemlestiriw boyınsha rayon (qala ) komissiyaları tárepinen tán alıw múmkin dep tabılǵanlıǵı jaǵdaylarına yáki onı tán alıwdı biykar etilgenligi yamasa arzalardıń kórip shıǵilıwı bir mártelik ulıwmalıq mámleketlik aksiyasınıń múddeti ótkenligi sebepli juwmaqlanbaǵan jaǵdaylarına;
4) 2021-jıl 8-iyunǵa shekem rayon (qala ) hákiminiń qararına kóre nızamshılıq hújjetlerine muwapıq puqaralarǵa, jeke tártipdegi isbilermenlerge yamasa rezident bolǵan yuridikalıq shaxslarǵa ajıratılǵan, tastıyıqlaw máselesi Qaraqalpaqstan Respublikası Ministrler Keńesi, wálayatlar hám Tashkent qala hákimleri hám de Qaraqalpaqstan Respublikası Joqarı Kenesi yáki tiyisli xalıq deputatları Keńesi tárepinen kórip shıǵılmaǵan jer uchastkasına (bunnan sonday jer uchastkasında eki jıl ishinde ımaratlar qurılmaǵan yáki olardıń qurılısı baslanmagan yamasa jer uchastkasınan maqsetsiz paydalanılǵan jaǵdaylardan tısqarı);
5) puqaralardıń baqshılıq hám júzimshilik shirkatlari aymaǵındaǵı turar jaylarına hám de olar iyelegen jer uchaskasına;
6) 2020-jıl 9-martqa shekem kishi sanaat zonaları aymaǵına jaylastırılǵan isbilermenlik subektleriniń jasaw ushın mólsherlenbegen imaratları yáki olardıń bólimleri jaylasqan jer uchaskasına;
7) menshiklilestirilgen ımaratlar iyelegen jer uchaskasına;
8) puqaralardıń, jeke tártipdegi isbilermenlerdiń hám rezident bolǵan yuridikalıq shaxlardıń nızamshılıqqa muwapıq múlk (iyelik etiw) huqıqı tán alınǵan imaratları iyelengen jer uchastkasına bolǵan huqıqlardı tán alıw tiykarları hám tártibin belgileydi.
Nızam menen huqıqlardı tán alıw etiwge tiykarǵı shártleri retinde tómendegiler belgilendi:
- Jer uchastkası basqa fizilkalıq shaxsqa hám yuridikalıq shaxlarǵa ajratilmagan yáki elektron onlayın-auksionga qoyılmaǵan bolsa ;
- Jer uchastkasınan paydalanıwda fizikalıq yamasa yuridikalıq shaxslar arasında daw bolmasa;
- Jer uchaskası ushın jer salıǵı boyınsha, oǵan qurılǵan imaratlar ushın mal-múlk salıǵı boyınsha qarızdarlıq bolmasa.
- Qáwipsizlik zonasında, suwǵarılatuǵın jerde jaylaspaǵanlıǵı;
- Hár bir kategoriyaga tán basqa shártler (investitsiya minnetlemesi orınlanǵanlıǵı, shirkat aǵzası esaplanıwı hám basqalar );
- Bas joba talaplarına qarsı emesligi.
Nızam kúshke kirgennen keyin óz basımshalıq penen iyelep alınǵan jerler hám olarda qurılǵan jay-imaratlar hákimshilik yamasa jınıyıy juwapkerlikke sebep boladı. Nızamda anıq múddetler, huqıqlar tán alınıwı tiykarların anıq belgilengen.
Taxtakópir rayonı yuridikalıq xızmet kórsetiw
orayı bas yuristkonsulti D.A.Shaxanov.