Янгиликлар
18
“Huqıq mektebi” mobil qosımshası jaratıldı
“Huqıq mektebi” mobil qosımshası jaratıldı
Búgingi kúnde xalıqtıń, ásirese, jaslardıń arasında huqıqıy maǵlıwmatlardı tarqatıw hámde huqıqıy sawatlılıǵın asırıw boyınsha jańadan usıllar engizilip atır.
“Huqıq mektebi” mobil qosımshası mine usınday usıllardan biri bolıp tabıladı.
Puqaralardıń huqıqıy sawatlılıǵın asırıw nızamlılıqtı támiyinlewde, ádalatlı hám huqıqıy jámiyet qurıwda sheshiwshi áhmiyetke iye. Bul boyınsha, xalıqtıń barlıq qatlamı ushın huqıqıy bilimlerdi asırıwshı joybarlar hám bilimlendiriw programmaların ámelge asırıw zárúr bolıp tabıladı.
Atap aytqanda, puqaralarǵa óz huqıqların jánede jaqınnan túsiniw hám buzılǵan huqıqların qorǵawda kómeklesiw maqsetinde “Huqıq mektebi” mobil qosımshası islep shıǵıldı.
Bul qosımsha paydalanıwshılarǵa miynet qatnasıqları, shańaraq huqıqı, social qorǵaw hám puqaralıq processleri sıyaqlı tarawlardı qamtıp alǵan huqıqıy maǵlıwmatlardan paydalanıw imkaniyatın beredi.
Húrmetli Prezidentimizdiń “Basqarıw reformalar sheńberinde ádillik uyımları hám shólkemleriniń juwapkerligin jáne de asırıw hám de ıqsham basqarıw sistemasın qáliplestiriw haqqında”ǵı PP-80-sanliı Pármanında jaslardıń huqıqıy bilimlerin asırıwǵa qaratılǵan onlayn huqıqıy sawatlılıq mektebin shólkemlestiriw hám ol arqalı biypul huqıqıy oqıw kursların engiziw belgilengen.
“Huqıq mektebi” - bul xalıqtıń huqıqıy sawatlılıǵın asırıw hám huqıqtı ǵárezsiz úyreniw múmkinshiligin jaratıw maqsetinde islep shıǵılǵan innovaciyalıq joybar bolıw menen birge paydalanıwshılarǵa materiallardı ózleri ushın qolaylı tezlikte úyreniw imkaniyatın beredi.
Qanlıkól rayonı ádillik bólimi
MXO bólimı baslıǵı D.Qudenov