Янгиликлар
17
Kegeyli rayonı ádillik bóliminde jaslar ushın "Ashıq esikler kúni" shólkemlestirildi
Kegeyli rayonı ádillik bóliminde jaslar ushın "Ashıq esikler kúni" shólkemlestirildi
Búgingi kúnde mámleketimizde jaslar máselesine mámleketlik siyasat dárejesinde úlken itibar qaratılmaqta. Ózbekstan jasları xalqımızdıń bay ruwxıy-aǵartıwshılıq miyrasın, ziyrekligi, miynetsúyiwshilik, watansúyiwshilik sıyaqlı jaqsı dástúrlerin ózinde jámlegen halda, jámiyetimizde múnásip orın iyelemekte. Bul tárepler jaslarımızdıń izleniwsheńligi, bilim iyelewge bolǵan tilegi, dóretiwshilik qábileti, reformalarımızǵa baylanıslı juwapkerlik sezimi bekkemliginde belgili boladı. Sonday-aq jaslardıń huqıq, erkinlikleri hám olardıń nızamlı máplerin qorǵaw menen baylanıslı qabıl qılınǵan párman hám qararlardıń mazmun mánisin túsindiriw maqsetinde Kegeyli rayonı ádillik bólimi baslaması menen rayonlıq mektepke shekemgi hám mektep bilimlendiriw bólimine qaraslı ulıwma orta bilim beriw mektep oqıwshıları qatnasında "Ashıq esikler kúni" ilajı shólkemlestirildi.
Iláj dawamında oqıwshılar bólimniń barlıq orınlarında bolıp, orayda shólkemlestirilgen elektron náwbet alıw, óz-ózine xızmet kórsetiw múyeshinde mámleketlik xızmetlerden erkin paydalanıw hám oray xızmetkerlerine baha beriw qurılmaları menen de tanıstırılıp ótildi.
"Ashıq esikler" ilájı juwmaǵında bilimlendiriw tarawındaǵı nızamshılıqta ámelge asırılıp atırǵan reformalar, belgilengen jeńillikler, haqqında túsinikler berildi.
Kegeyli rayonı ádillik bólimi,
Mámleketlik xızmetler orayı bólim baslıǵı S.Otegenov,