Янгиликлар
14
Xalıqqa PHAJ tarawına tiyisli huqıqıy xızmetlerin kórsetiwde ushırasıp atırǵan máseleleri boyınsha sawal barma juwap beremiz
Xalıqqa PHAJ tarawına tiyisli huqıqıy xızmetlerin kórsetiwde ushırasıp atırǵan máseleleri boyınsha sawal barma juwap beremiz
Soraw: Men Moynaq rayonında tuwıldım. Házirgi waqıtta Nókis rayonı Kerder APJ da jasayman. Tuwılǵanlıq haqqında gúwalıǵımdı joytıp aldım. Qay jerge múrajat etsem boladı?
Juwap: Puqaralarǵa kórsetiletuǵın mámleketlik xızmetlerdiń sıpatın asırıw, olarǵa qolaylıqlar jaratıw, artıqsha byurokratiyalıq tosqınlıqlardı qısqartıw búgingi kúnniń baslı talaplarınıń biri. 2021 jıldıń 23-mart kúni «Xalıqqa hám isbilermen subektlerine mámleket xızmetlerinen paydalanıwda jánede qolaylı sharayatlar jaratıw, byurokratyalıq tosqınlıqlardı qısqartıw boyınsha qosımsha shara-ilajlar haqqında» ǵı PF-6191 sanlı Prezident pármanı qabıl etildi. Bul pármanǵa muwapıq 2021-jıl 1-iyunnan baslap puqaralıq halatı aktlerin tuwılıw, neke dúzilgenligi, nekeden ajırasıw, ólim, atı hám familiyasın ózgertiw, ákelikti belgilew, perzentlikke alıw, sonday aq nekeden ótiwshilerdimedicinalıq kórikten ótkeriw, ekstraterritorial principi tiykarında ámelge asırılıwı belgilengen.Xızmetler kórsetiwdegi bul jeńillikler puqaralar ushın haqıyqıy jaratılǵan qolaylıq boldı. Sol sebepli siz tuwılǵanlıq haqqında gúwalıǵıńızdı tákirar almaqshı bolsańız, ózińizdiń jasap turǵan jerdegi PHAJ bólimine múrajat etseńiz boladı. Puqaralarǵa tez hám sapalı xızmetler kórsetiw, alısın jaqın etiw, múrajatların pitiriw, olardıń mámleketlik xızmetler kórsetiwshi mekemelerden razı bolıp shıǵıp ketiwi bul demek biz alǵa qoyǵan wazıypamızdı orınlaǵanlıǵımızdan derek beredi.
Nókis rayonı PHAJ bólimi inspektorı G.Otepova