Янгиликлар
14
Hayal-qızlardıń huqıqıy sawatxanlıǵın arttırıw boyınsha ámelge asırılıp atırǵan ilajlar.
Hayal-qızlardıń huqıqıy sawatxanlıǵın arttırıw boyınsha ámelge asırılıp atırǵan ilajlar.
Hayal-qızlardı hár tárepleme qollap-quwatlaw, olardıń jámiyettegi abırayın jáne de arttırıw hám bul tarawda ámelge asırılıp atırǵan ilajlar menen bir qatarda sheshimin kútip turǵan mashqalalar boyınsha búgingi kúnde eń áhmiyetli másele jámiyetimizde hayal-qızlarımızǵa hár tárepleme járdem kórsetiw hámde huqıqıy sawatqanlıǵın asırıw,jańalanǵan Konstituciyamız benen berilgen kepilliklerin túsindiriw bolıp esaplanadı.
Prezidentimizdiń 2022-jıl 1-mart kúngi shańaraq hám hayal-qızlar menen islesiw boyınsha qabıl etilgen Pármanı menen elimizde hayal-qızlardı elede qollap-quwatlaw boyınsha mámleketlik siyasattıń tiykarǵı baǵdarları etip:
- shańaraq hám hayal-qızlardıń mashqalaların óz waqtında anıqlaw, awır sociallıq awhalǵa túsip qalǵanlarǵa sociallıq-huqıqıy, psixologiyalıq járdemler kórsetiw;
- hayal-qızlardıń huqıq hám nızamlı máplerin qorǵaw, olardıń elimizde sociallıq-siyasiy ornı hám belsendiligin arttırıw, gender teńlik kepilliklerin támiyinlew sıyaqlı áhmiyetli wazıypalar belgilep berilgen.
Sondayaq,Qaraqalpaqstan Respublikası Joqarǵı Keńesi baslıǵınıń 2023-jıl 17-fevraldaǵı 38-sanlı bayanlaması menen berilgen tapsırmalardıń orınlanıwı boyınsha Shımbay rayonında jasawshı profilaktikalıq esapta turǵan hayal-qızlarǵa huqıqıy, medicinalıq, psixologik járdemler kórsetilip kelinbekte
Elimizde ámelge asırılıp atırǵan reformalar nátiyjesinde hayal-qızlardı qollap-quwatlaw boyınsha bir qatar huqıqıy hújjetler qabıl etilgen bolıp, isbilermenlik, bilimlendiriw, mádeniyat, densawlıqtı saqlaw hám basqa da tarawlardaǵı, sonday-aq, járdemge mútáj hayal-qızlardı materiallıq, ruwxıy jaqtan qollap-quwatlaw baǵdarında mámleketimiz tárepinen kóplegen jeńillikler berilmekte.
Járdemge mútáj hayal-qızlardı materiallıq, ruwxıy jaqtan qollap-quwatlaw menen bir qatarda usı jıldıń 24-may sánesinde qabıl etilgen Hákimshilik reformalar sheńberinde ádillik organlarınıń jwapkershiligin jánede asırıw hámde ıqsham basqarıw sistemasın shákillentiriw haqqındaǵı PQ-80-sanlı pármanı menen qosımsha júkletilgen wazıypalardıń orınlanıwı boyınsha úyme úy júriw nátiyjesinde Hayal-qızlardıń huqıqıy sawatxanlıǵın arttırıw boyınsha da nátiyjeli jumıslar ámelge asırılmaqta.
Shımbay rayonı ádillik bólimi bas másláxatshısı A.Dastenov