Янгиликлар
25
Sport tarawında mámleketlik xızmetin kórsetiw jáne de jetilistiriledi
Sport tarawında mámleketlik xızmetin kórsetiw jáne de jetilistiriledi
Ózbekstan Respublikası Ministrler Kabinetiniń 2023-jıl 3-noyabr kúni “Sport tarawında mámleketlik xızmetlerdi kórsetiwdi elede jetilistiriw is-ilajları haqqında”ǵı 583-sanlı qararı qabıl etildi.
Qarar menen Mámleketlik sport-bilimlendiriw mekemelerine oqıwshılardıń hújjetlerin qabıl etiw hám olardıń oqıwın kóshiriw boyınsha mámleketlik xızmetlerdi kórsetiwdiń hákimshilik reglamenti tastıyıqlandı. Reglamentke muwapıq arza beriwshi hár jılı:
Olimpiya hám milliy sport túrleri boyınsha mámleketlik qánigelestirilgen mektep-internatları ushın 20-iyunnan 20-iyulǵa (sol kúnide) shekem;
Sport mektepleri hám qánigelestirilgen sport mektepleri, Olimpiya hám paralimpiya sport túrlerine tayarlaw orayları ushın 1-avgusttan 21-avgustqa (sol kúnide) shekem qálegen Mámleketlik xızmetler orayına múrájat etedi yáki Birden-bir interaktiv mámleketlik xızmetler portal arqalı elektron túrde paydalanıw ushın dizimnen ótedi.
Arza beriwshiniń múrájatına tiykar mámleketlik xızmetler orayı xızmetkeri arza beriwshi atınan, BBIMXP arqalı múrájat etilgende, arza beriwshi gárezsiz túrde sorawnamanı elektron túrde toltıradı.
Arza beriwshi sorawnamaǵa kiritilgen maǵlıwmatlardıń tuwrılıǵın tekserip, sorawnamanı tastıyıqlaydı.
Sport bilimlendiriw mekemesi juwapker xızmetkeri sorawnamanı úsh jumıs kúni ishinde kórip shıǵadı hám qabıllaw komissiyasına jiberedi yáki sebebin kórsetken halda qaytaradı hámde bul haqqında arza beriwshige xabar jiberedi.
Qabıllaw komissiyası bir jumıs kúni ishinde sorawnama hám oǵan qosımsha etilgen hújjetlerdi imtixan tapsırıw ushın qabıl etiw yáki sebebin anıq kórsetken halda qabıl etiwden bas tartıw haqqında qarar qabıl etedi.
Múrájat qabıl etilmegende, qabıllaw komissiyasi sol kúnniń ózinde xabarnamanı Mámleketlik xızmetler orayına (ózi kelip múrájat etkende) yáki arza beriwshige (electron túrde múrájat etilgende) BBIMXP arqalı jiberedi.
Múrájatı qabıl etilmegen arza beriwshi aldınǵı arza nomerin kórsetip, anıqlanǵan kemshiliklerdi saplastırǵan halda bes jumıs kúninde qayta múrájat etiwi múmkin.
Taxtakópir rayonı ádillik bólimi
Mámleketlik xızmetler orayı mámleketlik dizimnen ótkeriw hám ruxsat beriwshi
hújjetlerdi rásmiylestiriw boyınsha xızmetler kórsetiw bólim baslıǵı M.Allambergenov