Янгиликлар
25
Mayıplıǵı bolǵan shaxslarǵa berilgen jeńillikler.
Mayıplıǵı bolǵan shaxslarǵa berilgen jeńillikler.
Xalıqtıń social qorǵawǵa mútáj qatlamların qollap-quwatlaw boyınsha islerdi jedellestiriw, mámleketlik xızmetlerin sapalı kórsetiliwin támiyinlew, túrli taypadaǵı mámleketlik xızmetlerin kórsetiw sistemasın raqamlastırıw processlerin ulıwmalastırıw maqsetinde “Mámleketlik xızmetler kórsetiw infrastrukturasın jetilistiriw hám xalıqtıń mámleketlik xızmetlerden paydalanıw imkániyatların keńeytiriw ilájları haqqında”ǵı PF-6269-sanlı Prezident pármanına tiykar 2021-jıl 1-noyabr sánesinen baslap “Sociallıq qorǵawdıń birden-bir reestri” málimleme sistemasında dizimge alınǵan shaxslarǵa, sonday-aq I hám II-topar mayıplıǵı bolǵan shaxslarǵa mámleketlik xızmetler orayları hám (yaki bolmasa) Birden-bir interaktiv mámleketlik xızmetler portalı arqalı mámleketlik xızmetlerin kórsetiwde mámleketlik bajılar, jıyımlar hám basqa hár qanday tólemler boyınsha 50 payız muǵdarında shegirme qollanıladı.
Sonday-aq, I-II-topar mayıplıǵı bolǵan puqaralarımız orayǵa keliw imkániyatı bolmaǵan hallarda oray xızmetkerleri tárepinen olarǵa mehir-múriwbet kórsetken halda mámleketlik xızmetlerin kórsetiw ushın jasaw mánziline barǵan halda kóshpeli mámleketlik xızmetler kórsetilip kelinbekte. Egerde mayıplıǵı bolǵan shaxslar orayǵa ózleri kelgen halda múrájat etken jaǵdayda olarǵa náwbetsiz hámde óz aldına arnawlı «sociyallıq xızmet korsetiw aynası» ajıratılǵan bolıp, mámleketlik xızmetlerin kórsetiw ushın oraydan bir xızmetker menen támiynlengen.
Bunda tiykarınan xalıqtıń sociallıq qorǵawǵa mútáj qatlamların qollap-quwatlaw boyınsha islerdi jedellestiriw, mámleketlik xızmetlerin sapalı kórsetiliwin támiyinlewden ibárat.
Kegeyli rayonı ádillik bólimi Mámleketlik xızmetler orayı bólim baslıǵı S.Otegenov