Янгиликлар
13
Párman orınlanıwı támiynlenbekte
Párman orınlanıwı támiynlenbekte
Ózbekstan Respublikası Prezidentiniń 2024-jıl 24-maydaģı “Hákimshilik reformalar shenberinde ádillik organları hám shólkeleriniń juwapkershiligin jánede asırıw hámde basqarıw sistemasın jetilistiriw haqqında”ģı PP–80-sanlı Pármanına tiykar Nókis rayonı ádillik bólimi tárepinen tastıyıqlanģan reje-grafik tiykarında hápteniń hár sársembi kúni rayon aymaģındaǵı máhállelerde jasawshı puqaralar hám jaslar arasında "ADLIYA KUNI" hám “HUQÍQÍY ÚGIT NÁSIYAT KÚNI” sheńberinde huqıqıy úgit-násiyatlaw ilajları ótkerilip kelinbekte.
Ilájlar dawamında úyme-úy júriw arqalı puqaralardıń mashqalaları tıńlanıp, olarǵa huqıqıy másláhátler berilmekte hámde MPJ imáratlarında Mámleketlik xızmetler orayı tárepinen puqaralarģa kadastr hújjetlerin rásmiylestiriw, maģlıwmatnamalar beriw, elektron sanlı imzá beriw, kommunal tarmaqlarına jalģanıw, isbilermenlik subekti sıpatında mámleketlik dizimnen ótkeriw hám basqada mámleketlik xızmetler sol jerdiń ózinde kóshpeli tárizde kórsetilmekte.
Bunnan tısqarı rayon orayınan alıs aymaqta jaylasqan Kerder APJ imáratında arnawlı infokiosk ornatılģan bolıp, puqaralarģa artıqsha qıyınshılıqlarsız shaxsdı biometrik identifikatsiya qılıw (Face-ID) usılı arqalı mygov.uz birden-bir interaktiv mámleketlik xızmetler portalınan onlayn mámleketlik xızmetlerden paydaw imkániyatı jaratılģan.
Nókis rayonı MXO bólim baslıģı A.Patshaxanov