Янгиликлар
30
Ózbekstan Respublikası Prezidentiniń 2024-jıl 24-may kúni PP-80-sanlı “Hákimshilik reformalar sheńberinde adillik organları hám mákemeleriniń juwapkershiligin jánede asırıw hámde qolaylı basqarıw sistemasın qáliplestiriw haqqında”ǵı Pármanı haqqında
Ózbekstan Respublikası Prezidentiniń 2024-jıl 24-may kúni PP-80-sanlı “Hákimshilik reformalar sheńberinde adillik organları hám mákemeleriniń juwapkershiligin jánede asırıw hámde qolaylı basqarıw sistemasın qáliplestiriw haqqında”ǵı Pármanı haqqında
Ózbekstan Respublikası Prezidentiniń 2024-jıl 24-may kúni PP-80-sanlı “Hákimshilik reformalar sheńberinde adillik organları hám mákemeleriniń juwapkershiligin jánede asırıw hámde qolaylı basqarıw sistemasın qáliplestiriw haqqında”ǵı Pármanı qabıl qılındı.
Bul Párman menen xalıqtıń huqıqıy sana sezimi hám huqıqıiy mádeniyatın asırıw, nızamshılıq hújjetlerin orınlawshılarǵa jetkeriw hámde olardıń mazmunı hám áhmiyetin xalıq arasında túsindiriw jumıslarınıń nátiyjeligin asırıw maqsetinde ádillik orǵanlarına bir qatar wazıypalar belgilendi.
Bular, xalıqtıń kúndelikli turmısında ushıraytuǵın huqıqıiy mashqalalalrın anıqlaw, olardı analizlew hám saplastırıw;
Orınlarda anıqlanǵan sistemalı mashqalalardı saplastırıwǵa qaratılǵan nızamshılıq hújjet joybarların islep shıǵıw;
Puxaralarǵa huqıqıiy máseleler boyınsha birlemshi biypul yuridikalıq járdem kórsetiw;
Mámleketlik uyımlar hám máhallelerde birden-bir huqıqtı qollaw ámeliyatın qáliplestiriwde metodikalıq járdem kórsetip barıw.
Sonıń menen birge, ádillik bólimlerine tómendegi qosımsha wazıypalar yaǵnıy, orınlarda xalıq tárepinen kóterilip atırǵan aktual mashqalalardı kórip shıǵıw hám sheshiw ushın hár ayda máhallelerde “Ádillik kúni” ilájların ótkeriw, bunda alıs aymaqlardaǵı máhallelerde hár ayda keminde eki márte kóshpeli mámleketlik xızmetler kórsetip barıw;
Úyme úy júriw hám “Huqıqıy kómek” aksiyaların ótkeriw arqalı puqaralardıń kúndelikli turmısındaǵı huqıqıy mashqalaların saplastırıw boyınsha usınıslar tayarlaw, máhálle jetiligine nızamshılıq hújjetleriniń áhmiyetin ápiwayı hám xalıqshıl tilde jetkeriw, sonday-aq olar tárepinen «Online-mahalle» platformasına kirgizilgen xalıqtıń kúndelikli ómirindegi huqıqıy máselelerine baylanıslı mashqalaların sheship barıw;
Xalıqqa, eń áweli “Temir dápter”, “Hayallar dápteri”, “Jaslar dápteri” hámde “Sociyallıq qorǵawdıń birden-bir reestri” xabar sistemasına kirgizilgen puxaralarǵa birlemshi biypul yuridikalıq járdem kórsetiliwin támiynlew;
Jaslar, hayal-qızlar, sociayllıq qorǵawǵa mútáj shaxslardı, sonday-aq isbilermenlik subyektlerin nızamshılıq hújjetlerinde belgilengen jeńillikler, preferenciyalar, subsidiyalar, grantlar hám mámleket tárepinen qollap-quwatlawdıń basqa túrleri hámde olardan paydalanıw tártibi haqqında xabardar qılıw;
Mámleketlik organlar hám shólkemlerdiń rayonlıq (qalalıq) bólimleri, jergilikli mámleketlik hákimiyat organları hámde puxaralardıń ózin-ózi basqarıw organlarında birden-bir huqıqtı qollaw ámeliyatın qáliplestiriwde olarǵa metodikalıq járdem kórsetip barıw júkletildi.
Sonday aq Párman menen Puxaralardıń ózin-ózi basqarıw organlarında “Máhalle huqıq tanıwshısı” joybarın ámelge asırıp, joybar sheńberinde puxaralardıń ózin-ózi basqarıw organları baslıqlarınıń huqıqıiy bilim hám kónlikpelerin úzliksiz asırıp barıwǵa qaratılǵan qısqa múddetli biypul oqıw kursları shólkemlestiriw;
mekteplerde 2024-2025-oqıw jılınan baslap: Ádillik ministrliginiń arnawlı elektron platforması arqalı huqıq páni oqıtıwshılarınıń kásiplik bilim hám kónlikpelerin úzliksiz asırıp barıw hámde olardı metodikalıq támiynlew sistemasın jolǵa qoyıw;
Oqıwshılar ortasında “Huqıq bilimdanı” pán olimpiadası, huqıq páni oqıtıwshıları ortasında “Eń jaqsı huqıq oqıtıwshısı” kórik tańlawın ótkerip barıw;
Mektep oqıwshılarınıń huqıqıy bilimlerin óz betinshe ózlestiriwge qaratılǵan kórgizbeli oqıw qollanbaları, videorolikler, kompyuter oyınları hám mobil qosımshalar jaratıw belgilep berildi.
Sonday-aq, 2024-jıl 1-iyun kúninen baslap mámleketlik organlar hám shólkemler tárepinen nızamshılıq hújjetleri hám reformalardıń mazmun-áhmiyetin xalıqqa jetkeriwdiń jańa tártibi engizildi.
Bunnan tısqarı, máhállelerde hápteniń hár sárshembi kúni “Huqıqıy úgit-násiyat kúni” etip belgilendi. “Huqıqıy úgit-násiyat kúnide rayon (qala) ádillik bólimleri, yuridikalıq xızmet kórsetiw orayları, PHAJ organları, mámleketlik xızmetker orayları tárepinen mápdar shólkemler menen birgelikte tiyisli ilájlar ámelge asırıladı.
Shımbay rayonı ádillik bólimi
mámleketlik xizmetler orayı direktorı I.Aleuatdinov