Янгиликлар
30
Ólimdi dizimge alıw
Ólimdi dizimge alıw
Ólimdi dizimge alıw, marxumnıń turaqlı (waqtınsha) dizimnen ótken jerine qaramastan,PHAJ organı tárepinen ámelge asırıladı.
Ólimdi dizimge alıw haqqındaǵı arza ólim haqqında medicina birlespesiniń maǵlıwmatnaması berilgennen keyin 3 kúnnen keshikpey beriliwi kerek.(ólimdi kompozit mámleketlik xızmeti sıpatında dizimge alıw bunnan tısqarı).
Ólimdi dizimge alıw haqqında marxumnıń tuwısqanları hám jaqın adamları, sonday-aq medicina birlespesi administraciyası múrájat etiwi múmkin, olar ólim haqqında medicina birlespesiniń maǵlıwmatın usınadı.
Eger er jetpegen shaxs qaytıs bolǵan bolsa,onıń tuwılǵanlıǵı dizimge alınbaǵan bolsa,qaytıs bolǵan shaxstıń tuwılǵanlıǵı haqqında akt jazıwı dizimge alınıp,bul haqqında arza bergen shaxsqa maǵlıwmat beriledi,bunnan keyin belgilengen tártipte qaytıs bolǵan shaxsqa ólim haqqında akt jazıwı dizimge alınadı.
Ólimdi dizimge alǵan waqıtları usınılǵan medicina birlespesiniń maǵlıwmatı yamasa sudtıń puqaranı qaytıs bolǵan dep tabılǵanlıǵı haqqındaǵı sheshiwshi qararı akt jazıwına qıstırıp qoyıladı.(ólimdi kompozit mámleket xızmeti sıpatında dizimge alıw bunnan tısqarı).
Shet el puqaraları hám puqaralıǵı bolmaǵan shaxslardıń qaytıs bolǵanlıǵın dizimge alıw ulıwma tiykarlarda ámelge asırıladı.
Shet elde qaytıs bolǵan Ózbekstan Respublikası puqarasınıń ólimin dizimge alıw marxum jasap turǵan yamasa ólim juz bergen jerdegi Ózbekstan Respublikası konsullıq mekemesi tárepinen ámelge asırıladı.
Eger ólimdi dizimge alıwda marxumnıń er jetpegen balaları barlıǵlı málim bolsa, bunday jaǵdayda konsul sol kúnnin ózinde Ózbekstan Respublikası Sırtqı isler ministrligine xabar beredi.
Jazanı orınlaw mekemelerinde qaytıs bolǵan shaxslardıń ólimin dizimge alıw hákimshilik administraciyasınıń xabarnamasına tiykar PHAJ bólimi tárepinen ámelge asırıladı.
Sudtıń puqaranı qaytıs bolǵan dep tabılǵan sheshiwshi qararı tiykarında hám ólimdi nızamda belgilengen muddetlerde dizimnen otpegen shaxslardıń ólimin dizimge alıw PHAJ organı tárepinen ulıwma tiykarlarda ámelge asırıladı.
Ólimdi dizimge alıwda 16 jasqa shekem qaytıs bolǵan shaxslardıń tuwılǵanlıq haqqında guwalıǵı usınıladı.Bunda PHAJ organı xızmetkeri (konsul) guwalıqqa ólim haqqındaǵı akt jazıwınıń nomeri hám sánesi jazıladı.
Qaytıs bolǵan shaxslardıń guwalıqları hár sherekte bir márte,akt tiykarında joq etiledi.
Eger «PHAJdıń birden-bir elektron arxivi» axborot diziminde qaytıs bolǵan shaxstıń tuwılǵanlıq haqqında akt jazıwı boyınsha maǵlıwmat bar bolsa, onıń qaytıs bolǵanlıǵı haqqında maǵlıwmat «Belgiler ushın» bándine kiritiledi.
Ólim haqqında akt jazıwların qayta tiklew rayon hám qalalıq sudlardıń qararına tiykar ámelge asırıladı.Eger sud qararında marxumnıń qaytıs bolǵan sánesi kórsetilmegen bolsa, bunday jaǵdayda sud qararı kúshke kirgen sáne marxumnıń qaytıs bolǵan kúni bolıp esaplanadı.
Shaxsı anıqlanbaǵanlardıń ólimin dizimge alıw den-sawlıqtı saqlaw medicina birlespesiniń ólim haqqında maǵlıwmatnamasına tiykar usı medicina birlespesi jaylasqan jerdegi PHAJ organı tárepinen ámelge asırıladı.
Bunday jaǵdaylarda ólim haqqındaǵı akt jazıwındaǵı barlıq maǵlıwmatlar ólim haqqındaǵı medicina birlespesiniń maǵlıwmatnaması tiykarında kórsetiledi hám qábirstanǵa usınıw ushın maǵlıwmatnama beriledi.
Ólim haqqindaǵı gerbli guwalıq akt jazıwındaǵı barlıq maǵlıwmatlar toltırılǵannan keyin beriledi
Shomanay rayonı ádillik bólimi PHAJ bólimi baslıǵı: Z.Alieva