Янгиликлар
29
Baǵıwshısın joyıtqanlıq napaqası qanday tártipte tólenedi
Baǵıwshısın joyıtqanlıq napaqası qanday tártipte tólenedi
“Puqaralardıń hám isbilermenlik subektleriniń huqıqları kepillikleri jánede kúsheytiriliwi múnásibeti menen Ózbekstan Respublikasınıń ayırım nızam hújjetlerine ózgeris hám qosımshalar kirgiziw haqqında”ǵı Nızam (ÓRN–752-san,
09.02.2022-j.) Prezident tárepinen imzalandi.
Kirgizilgen qosımshalarǵa muwapıq, mayıplıq pensiyaları Chernobil AEStegi avariya aqıbetinde III topar mayıplıǵı bolǵan shaxslarǵa da tólenedi.
Aldın tek ǵana I hám II topar mayıplıǵı bolǵan shaxslarǵa tóleniwi belgilengen. Shańaraqtıń miynetke jaramsız aǵzaları (balalar, aǵa-ini, apa-sińliler hám aqlıqlar) jası 18 jasqa shekem etip belgilendi. Aldın 16 jasqa shekem edi.
Oqıwshılar hám studentler oqıwı dawamında, 23 jasqa shekem baǵıwshısın joyıtqanlıq napaqasın alıw múmkinligi belgilendi, aldın bul 18 jasqa shekem edi.
Balanı kútip qaraw dem alısınıń is stajına qosılatuǵın dáwiri 6 jıl etip belgilendi, aldın jámi 3 jıldan kóp bolmaǵan dáwir kirgizilgen.
Nızamǵa kóre, avtomobiller elektron aukcion arqalı ijaraǵa berilgende shártnamanı notarial tastıyıqlaw talap etilmeydi.
Sonday-aq, baǵıwshısın joyıtqanlıq pensiyası alıwshılardıń bir miynetke jaramsız shańaraq aǵzası ushın pensiyanıń eń kem muǵdarı - ayına 440 000 sum etip belgilendi hám keyingi hár bir miynetke jaramsız shańaraq aǵzası ushın ámeldegi tártipke muwapıq pensiya tólenedi;
baǵıwshısın joyıtqanlıq napaqası alıwshılarınıń bir miynetke jaramsız shańaraq aǵzası ushın napaqa muǵdarı – ayına 440 000 sum hám keyingi hár bir miynetke jaramsız shańaraq aǵzası ushın 165 000 sumnan qosılıwı belgilendi.