Янгиликлар
29
Puqaralardıń múrájatları dıqqat itibarımızda......
Puqaralardıń múrájatları dıqqat itibarımızda......
Ózbekstan Respublikasınıń Konstitutsiyasınıń 46-statyasında “hárkim qartayǵanda, miynet qabiletin joǵaltqanda, jumıssızlıqta, sonday-aq baǵıwshısın joǵaltqanda hám nızamda belgilengen basqa jaǵdaylarda sociallıq támiynat alıw huqıqına iye” dep kórsetilgen.
Biraq soǵan qaramastan ayrım hallarda pensiya jasındaǵı puqaralardıń pensiyaǵa shıǵıw waqtında islegen is stajı tolıq esapqa alınbay, olarǵa mámleket tárepinen beriletuǵın pensiya muǵdarları az esaplanıp, olardıń huqıqları buzılıp atırǵan jaǵdaylarıda ushırasıp atır.
Atap aytqanda, Shomanay rayonı jasawshı puqara D.O hám B.J lar Shomanay rayonı ádillik bólimine házirgi kúnde pensiya jasında ekenligi, pensiya esaplawda ayırım is stajı jılları esapqa alınbay qalǵanlıǵınan narazı bolıp múrájat jolladı.
Múrájatı úyreniw dawamında D.O nıń 8 jıl 10 ay 26 kún is stajı, B.J nıń bolsa 2 jıl 9 ay 29 kún is stajı asapqa alınbaǵanlıǵı anıqlandı hám bul boyınsha Nókis rayonlar aralıq hákimshilik sudına shaǵım arza kiritildi.
Kiritilgen shaǵım arzası Nokis rayonlar aralıq hákimshilik sudı tárepinen kórip shıǵılıp D.O hám B.J lardıń esapqa alınbaǵan is stajlari qayta esaplaw boyınsha sud qararı qabıl etilip, puqaralardıń huqıqları tiklendi.
Shomanay rayonı ádillik bólimi
YXKO bas yurıskonsultı S.Turdımuratov