Янгиликлар
29
Korruptsiyaǵa qarsı gúresiw salasında reyting bahalaw sisteması engiziledi.
Korruptsiyaǵa qarsı gúresiw salasında reyting bahalaw sisteması engiziledi.
“Korruptsiyaǵa qarsı gúresiw jumıslarınıń natiyjeliligin reyting bahalaw sistemasın engiziw ilajları haqqında”ǵı Prezident qararı (PQ-81-sanlı,12.01.2022 j.) qabıllandı.
Qararǵa muwapıq, Korruptsiyaǵa qarsı gúresiw jumıslarınıń natiyjeliligin reyting bahalaw sisteması engiziledi.
Bunda reyting bahalaw tómendegi 5 jónelis boyınsha belgilengen indikatorlar tiykarında ámelge asıriladı :
• mámlekeklik shólkemlerinde korruptsiyaǵa qarsı gúresiw boyınsha mexanizm hám huqıqıy tiykarlardıń jaratılǵanlıǵı hám ámeliyatqa qollanıw etilgenligi;
• korruptsialıq qawip-xaterlerdi anıqlaw, bahalaw hám olardı kemeytiw boyınsha ilajlardıń ámelge asırılǵanlıǵı ;
• mámlekeklik shólkemler basshılarınıń korruptsiyaǵa qarsı guresiw qatnastı kórsetiwshi minez-qulqlarınıń bar ekenligi;
• xızmetkerlerdiń korruptsiyaǵa qarsı gúresiwge tiyisli ishki tártip-dástúrlerden xabardarlıǵı hám de bul tarawda bilim hám kónlikpelerin asırıw boyınsha ilajlardıń ámelge asırılǵanlıǵı ;
• korruptsiyaga qarsı gúresiw boyınsha tiyisli tarawdıń yamasa tarmaq kesiminde xalıqtıń huqıqıy sana-sezimine jáne huqıqıy mádeniyatın kóteriw, bul illetke salıstırǵanda taqatsız qatnastı qáliplestiriwge qaratılǵan úgit-násiyat ilajlarınıń natiyjeliligi.
Reyting bahalaw sisteması 2022-jıl 1-fevraldan baslap, eksperiment tiykarında, óz iskerliginde korruptsiyaǵa qarsı menejment sistemasın ámelde shólkemlestirip atırǵan 26 mámleket shólkemleri iskerligine, 2022-jıl 1-iyuldan barlıq mámleketlik shólkemler iskerligine engiziledi.
Reyting bahalaw “E-Anticor. uz” elektron platformasi arqalı shólkemlestiriledi.
Korruptsiyaǵa qarsı gúresiw jumıslarınıń natiyjeliligi 0 balldan 100 ballǵa shekem reytingde bahalanıp, iskerlik natiyjeliligi “jaqsı”, “qanaatlanǵan” hám “qaniqarsiz” taypalarǵa ajratıladı.
Bunda, iskerligi:
• “jaqsı” dep bahalanǵan mámleket shólkemlerdiń korruptsiyaǵa qarsı gúresiw boyınsha unamlı tájiriybesin ǵalabalastırıw boyınsha ilajlardı belgileydi hám ámelge asıriladı ;
• “qanaatlanǵan” dep bahalanǵan mámleketlik shólkemlerge olardıń korruptsiyaǵa qarsı gúresiw boyınsha iskerligin jáne de jaqsılaw boyınsha usınıslar kiritiledi;
• “qaniqarsiz” dep bahalanǵan mámleket shólkemlerinde korruptsiyaǵa qarsı gúresiwde anıqlanǵan kemshiliklerdi saplastırıw hám olardıń bul baǵdardaǵı iskerligin jaqsılawǵa qaratılǵan ilajlar programması islep shıǵıladı, onıń atqarıwı turalı tiyisli basshılardıń esabatların hár sherekte Korruptsiyaǵa qarsı gúresiw boyınsha milliy keńestiń jıynalıslarında esitiledi.
Izbe-iz eki jıl dawamında korruptsiyaǵa qarsı gúresiw natiyjeliligi “qaniqarsiz” dep tabılǵan mámleket shólkemleri basshılarına ıntızamiy juwapkerlik ilajların qóllaw máselesi kórip shıǵıladı.
Shomanay rayonı ádillik bólimi yuridikalıq xızmet kórsetiw orayı baslıǵı Utemuratov Baxıt Jiengalievich.