Янгиликлар
26
Tema: Miynet migrantlarına nızamshılıqta qanday jeńillikler bar
Tema: Miynet migrantlarına nızamshılıqta qanday jeńillikler bar
Mámleketimizde miynet migrasiyasi máselelerin tártipke salıw, orın alǵan mashqalalardı saplastırıw, shetelge ketiwden aldın jerleslerimizdıń kásiplik sheberligin asırıw múmkinshiligin jaratılıwma bólek itibar qaratılıp atır.
Haqıyqatında da, mámleketimizde shet elde islew niyetinde bolǵan puqaralardı shetelge tártipli hám qawipsiz jiberiw boyınsha arnawlı bir jumıslar ámelge asırılmaqta. Atap aytqanda, aqırǵı 2 jılda Sırtqı miynet migrasiyasi agentligi tárepinen 70 mıń puqara rawajlanǵan mámleketlerge jiberilgen. Sonday-aq, 2023 jılda 38, 4 mıń puqara shet elde jumısqa jaylastırılǵan bolsa, 2024 jıldıń ekinshi shereginde bul kórsetkish 20, 9 mıńdı quradı. Bul sońǵı jıllarda migrasiya salasında alıp barılıp atırǵan keń qamtılǵan islerdiń ámeliy sıpatı bolıp tabıladı.
Sonıń menen birge, shet elde islewshi talabanlardıń jumıs beriwshiniń talaplarına muwapıqlıǵın maksimal dárejede asırıw ushın qatar mámleketler tilin oqıtıw, kásip-óner úyretiw orayları ashıldı. Atap aytqanda, 32 monooray, 53 kásip-ónerge oqıtıw hám 13 qurılıs tarawı maman qánigelerin tayarlaw orayı, 10 shet el shólkemleri menen sheriklikte 48 kurslar iskerligi jolǵa qoyıldı.
Bunan tısqarı Prezidentimiz tárepinen migrasiya máselelerine tiyisli qatar wazıypalar belgilep berildi. Bunıń dawamı retinde usı jıldıń 4 aprel kúni «Miynet migrasiyasi processlerin jetilistiriw hám de shet elde waqtınsha miynet iskerligin ámelge asırıp atırǵan shaxslardı qollap-quwatlawǵa tiyisli qosımsha ilajlar haqqında»ǵı PP-59-sanlı pármanı qabıl etildi.
Pármanǵa kóre, 2024-jıl 1-iyunnan baslap «Shet elde ish» miynet migrasiyasi elektron programmalıq kompleksinde dizimnen ótken hám shólkemlestirilgen miynet migrasiyasiǵa ketip atırǵan puqaralarǵa shet el tiller hám kásip boyınsha ilmiy tájriybe imtihanlarındı tapsırıw menen baylanıslı ǵárejetlerin qaplaw ushın BEMnıń 3 barabarna shekem, «isshi viza»nı rásmiylestiriw menen baylanıslı ǵárejetler ushın BEMnıń 5 barabarna shekem, jol beleti ushın BEMnıń 2 barabarna shekem muǵdarda kompensasiya tólenedi. Shet tili boyınsha xalıq aralıq yamasa oǵan teńlestirilgen sertifikat alǵan puqaraǵa bolsa til úyreniw ushın sarplaǵan ǵárejetiniń 50 procenti qaplap beriledi.
Ilgeri shet elden qaytqan puqaralarımız jumıs tabıwda ayırım tosıqlarǵa dus keletin edi. Buǵan baylanıslı jaǵday da tupten ózgerdi. 2024-jıl 1-iyunnan baslap miynet migrasiyasidan qaytqanlardı jumısqa alǵan kárxanaǵa hár bir xızmetker ushın bir jıl dawamında Bántlikke kómeklesiw fondınan ayına 500 mıń sumnan subsidiya beriletuǵın boldı. Bul ilajlarǵa usı jılı ushın 100 milliard swm ajratıladı.
Bunnan tısqarı, 2024-jıl 1-iyunnan baslap miynet migrasiyasidan qaytqanlar hám olardıń shańaraq aǵzaları biypul medicinalıq kórikten ótkeriledi.
Bir sóz benen aytqanda, búgingi kúnde miynet migrantların qollap-quwatlaw boyınsha qatar unamlı jumıslar jolǵa qoyılǵan. Joqarıdaǵı Prezident pármanında belgilengen wazıypalar sheńberinde bolsa buǵan baylanıslı jumıslar kólemi jáne de keńeyip hám shet elde islew niyetin bolǵan jerleslerimizge jáne de jeńillik hám de qolaylıqlar jaratıladı.
Taxtakópir rayonı Yuridikalıq xızmet kórsetiw
orayı bas yuristkonsultı J.S.Pirnazarov