Янгиликлар
26
Korrupciyaǵa qarsı gúresiw – dáwir talabı
Korrupciyaǵa qarsı gúresiw – dáwir talabı
Korrupciya dúnya kóleminde sheshiliwi kerek bolǵan global mashqalalardıń biri bolıp tabıladı. Bul illet hár qanday mámleket hám jámiyettiiń siyasiy-ekonomikalıq rawajlanıwına saldamlı dárejede zıyan jetkeredi, insannıń huqıq hám erkinlikleriniń buzılıwına alıp keledi, bul illettiń kelip shıǵıw sebeplerin anıqlaw, korrupciyaǵa qarsı gúresiwdiń nátiyjeli jolların tabıw boyınsha qánigeler, túrli institutlar hám xalıq aralıq shólkemler tárepinen júzlegen, mińlaǵan izertlewler ótkerilgen, korrupciyanıń hár túrli kórinisindegi formulaları da islep shıǵılǵan, házirge shekem, barlıq milletler ushın qol keletuǵın qarsı gúresde paydalı birden-bir sheshim joq, sonıń ushın hár bir millet usı illetke qarsı gúresiw strategiyasın ózi belgileydi. Bugingi kúnde mámleketimiz tárepinen korrupciyaǵa qarsı guresiw hám onı jeńiw ushın hár túrli nızamlar, qararlar qabıl etilmekte.
Demokratiyalıq qádiriyatlar izbe izlik penen rawajlanıp baratırǵan bir waqıttıń ózinde mámleketlik xizmetkerleri tárepinen paraxorlıq, hámelinen keri maqsette paydalanıw menen baylanıslı jınayatlardıń isleniwi hákimiyattıń abıraysızlandırıwǵa, mámlekettiń siyasiy, ekonomikalıq, huqıqıy sistemasına zıyan jetkeriwi hákimiyatqa degen isenimsizliktiń payda bolıwına sebep boladı. Korrupciyanıń málim bir mámlekette rawajlanıwı sol mámlekettiń hár tarawda rawajlanıwına tosqınlıq boladı.
Korruptsiya - shaxstıń óz lawazımıń yamasa xızmet babınan jeke máplerin yamasa ózge shaxslardıń máplerin gózlep materiallıq yamasa materiallıq emes payda alıw maqsetinde nızamǵa qılap túrde paydalanıwı, anıq etip aytatuǵın bolsaq xızmet babınan jeke maqsetlerde paydalanıw jınayat bolıp esaplanadı. .
Korrupciya háreketi jasırın ekonomikanıń tiykarǵı túrlerinen biri bolıp tabıladı, kobinese korrupciya degende mámleket xizmetkerleri tárepinen jeke máplerdi gózlep, baylıq arttırıw maqsetinde xalıqtan para alıw, nızamǵa qarsı pul dáramatların qolǵa kirgiziw túsiniledi. Biraq, ulıwma alǵanda, tek mámleket hámeldarları emes, bálki, mámleket mákemelerinde islemeytuǵın puqaralar da korrupciyaǵa baylanıslı múnásebetlerdiń qatnasıwshıları bolıwı, para pul emes, bálki basqa zat ornına málim xızmetti ámelge asırıwları múmkin.
“korrupciya - lawazımlı shaxslar tárepinen olarǵa berilgen huqıqlar hám hákimiyat múmkinshiliklerinen jeke baylıq arttırıw ushın paydalanıwda belgileniwshi siyasat yamasa mámleket basqarıwı salasındaǵı jınayatlı iskerlik bolıp tabıladı.
Korrupciyanıń aldın alıw hám oni saplastiriw ilájlariniń biri bolǵan mámleket basqarıwı sistemasında “insan faktorı”n kemeytiw maqsetinde mámleket hám jámiyet basqarıwına málimleme-kommunikaciya texnologiyaların keń engiziw jolǵa qoyıldı. Basqarıw hám byurokratik tosqınlıqlardı saplastırıw, dizimge alıw, litsenziyalaw hám ruxsatnamalar beriwdi ápiwayılastırıw hám natiyjeliligin asırıw maqsetinde orinlarda mámleketlik xızmetler orayları shólkemlestirildi.
Mámleketimiz bekkemligi, rawajlanıwı hám gullep jasnawın, abad bolıwın qálegen hár bir puqara para alıw hám beriw illetinen qutılıwı, bir sóz benen aytqanda “hadallıq vaksinasi” menen emlenbekteı, sonıń menen birge jámiyetimizde huqıqbuzarliklar profilaktikasın ámelge asırıw tekǵana mámleket shólkemleriniń, bálki sol jámiettiiń aǵzası esaplanǵan hár bir insannıń wazıypası.
Taxtakópir rayonı yuridikalıq xızmet kórsetiw
orayı bas yuristkonsulti D.A.Shaxanov.