Янгиликлар
22
Xızmetkerdiń buzılǵan huqıqları tiklendi.
Xızmetkerdiń buzılǵan huqıqları tiklendi.
Shımbay rayonlıq medicina birlespesi Kóp tarmaqlı poliklinikası miyirbiykesi J.G Shımbay rayonlıq ádillik bólimine múrájat qılıp, Kóp tarmaqlı poliklinikada 0,75 stavkada jumıs islegenligi, biraq keyin ala jumıs stavkasınan 0,25 stavkasın alıp taslap, 0,5 stavkaǵa túsirip taslaǵanlıǵınan narazı bolıp, usı máselede ámeliy járdem beriwdi soranǵan.
Múrájattı úyreniw barısında Shımbay rayonlıq medicina birlespesi tárepinen bir neshe qáte-kemshiliklerge jol qoyılǵanı anıqlanıp, anıqlanǵan nızam hújjetleriniń buzılıwı, olardıń sebepleri hám oǵan alıp keliwshi shárt-shárayatlardı saplastırıw haqqında medicina birlespesine usınıs kiritildi.
Usınısta kórsetilgen qáte-kemshiliklerge jol qoyǵanı ushın rayonlıq medicina birlespesiniń únemlewshisi hám de kadrlar bólimi inspektorlarına tiyisli intizamiy jaza sharaları qollanıldı hám de rayonlıq medicina birlespesi tárepinen xızmetkerge turaqlı 0,25 stavka jumıs ornı qosıp berilip, puxara J.G.nıń buzılǵan huqıqları tiklendi.
Shımbay rayonı ádillik bólimi
Yuridikalıq xızmet kórsetiw orayı
Bas yuriskonsultı Sh.J.Matniyazov