Янгиликлар
13
Kem támiyinlengen shańaraqlarǵa balalar pulı hám materiallıq járdem pullarıń tayınlaw tártibi
Kem támiyinlengen shańaraqlarǵa balalar pulı hám materiallıq járdem pullarıń tayınlaw tártibi
Ózbekstanda 2021-jıl 1-yanvardan berli balalar napaqası hám materiallıq járdem “Sociallıq qorǵaw birden-bir reyestri” arqalı avtomatik túrde tayınlanıp kelinbekte. Odan aldın máhelle puqaralar jıyınındaǵı (MFY) komissiyalar tárepinen tayınlanatuǵın edi.
Ózbekstan Respublikası Ministrler Kabinetiniń 2023-jıl 10-noyabrde «Sociallıq qorǵaw birden-bir reestri» informaciya sisteması arqalı kem támiyinlengen shańaraqlardı anıqlaw hám olarǵa sociallıq napaqalar tayınlaw boyınsha elektron túrinde arza beriwdi engiziw ilajları haqqında»ǵı 596-sanlı qararı qabıl etildi, usı qararǵa tiykar 2024-jıl 1-aprelden baslap “Birden-bir ınteraktiv mámleket xızmetleri” portalı arqalı balalar napaqası hám materiallıq járdem alıw ushın onlayn múrajaat etiw tártibi engiziledi, bunda onlayn arzanı puqaralar yamasa olardıń atınan (puqaranıń kelisimi menen) social qorǵaw milliy agentliginiń aymaqlardaǵı xızmetkerleri kirgiziwi múmkin ekenligi belgilengen.
2024-jıl 1-marttan “máhelle jetiligi” tárepinen balalar napaqası hám materiallıq járdem tayınlanǵan shańaraqlarǵa, olardıń shańaraqlarına barıp kórgen halda, olardıń ekonomikalıq jaǵdayı haqqındaǵa maǵlıwmatlar úyreniledi, yaǵnıy shańaraqtaǵı mal-múlkler haqqındaǵı maǵlıwmatlar jıynaladı hám programmaǵa kiritiledi.
Usı qarar boyınsha arza beriwshi shańaraqtıń hár bir aǵzasına tuwrı keletuǵın bir aylıq ortasha jámi dáramat belgilengen kriteryadan asqanda, mákemeler ara elektron informaciya sisteması arqalı alınǵan maǵlıwmatlar boyınsha kóshpelis múlk obiektlerine bolǵan huqıqlardıń mámleket reyestrinde jámi birden artıq kóshpes múlk hám jer uchastkası yamasa bir hám odan artıq noturar jayları bar bolsa yamasa paydalanıwında bolǵan bir hám odan artıq dáramat alıp keliwshi noturar jayları bar bolsa, sondayaq paydalanıwda bolǵan yamas isenim xatqa tiykarlanıp islep shıǵarılǵan múddeti 12 (shańaraq aǵzası I yaki II topar hám 18 jasqa shekem balalıqtan mayıp bolsa 7) jıldan aspaǵan, texnikalıq jaǵdayı saz bolǵan jeńil avtotransport quralı, islep shıǵarılǵan múddeti 15 jıldan aspaǵan, texnikalıq jaǵdayı saz bolǵan júk tasıwshı avtotransport quralı, avtobus, mikroavtobus, ekskavator, traktor, kombayn, júk tasıwshı avtotransport qurallarınıń tirkamalari hám yarım tirkamalari, avtokran hám basqa qurılıs texnikası, jámi eki hám odan artıq, texnikalıq jaǵdayı saz bolǵan jeńil hám júk tasıwshı avtotransport quralları bar bolǵanda shańaraqtı kem támiyinlengen dep tábıw hám oǵan tiyisli túrde balalar napaqası yamasa materiallıq járdemdi belgilew biykarlaw etiledi.
2024-jıl 1-yanvardan baslap jańa tuwılǵan bala haqqındaǵı maǵlıwmatlar PXAJ organınıń informaciya sistemasınan onlayn hám avtomat túrde alınadı. Yaǵnıy puqaralar jańa perzenti tuwılǵanda, balalar napaqası qayta esaplaw boyınsha murajaat etpeydi. Bala tuwılǵan sáneden maǵlıwmatlar avtomat túrde programmaǵa keledi, keyingi aynıń birinshi sánesinen pul muǵdarı jańa tuwǵan balaǵa da qosılǵan halda qayta esaplab, asırıp barıladı.
Taxtakópir rayonı yuridikalıq xızmet kórsetiw
orayı bas yuristkonsulti D.A.Shaxanov.