Янгиликлар
12
Bilimlendiriw mekteplerine balalardı oqıwǵa qabıl etiw, bir klasstan ekinshi klassqa, bir mektepten basqasına ótkeriw tártibi
Bilimlendiriw mekteplerine balalardı oqıwǵa qabıl etiw, bir klasstan ekinshi klassqa, bir mektepten basqasına ótkeriw tártibi
Oqıwshılardı klasstan klasqa hám bir ulıwma orta bilim beriw mektebinen basqasına ótkeriw tártibi haqqında Rejeni tastıyıqlaw haqqında 2015 jıl 2 iyun', 13-mh-sanlı Ózbekstan Respublikası Xalq tálimi ministrliginiń Buyrugi menen tasdiqlandi, bul buyrıq Ózbekstan Respublikası Ádillik ministrligi tárepinen 2015 jıl 17 iyunda 2684-sanı menen dizimnen ótkerildi.
Klasstan klasqa ótkeriw — oqıwshın bir klasstan basqa parallel klasqa ótkeriw;
bir mektepden basqasına ótkeriw — oqıwshın bir mektepden basqa bir mekteptiń tiyisli klasına ótkeriw,
barlıq ministrlik hám bedomstvalar ıqtıyarındaǵı mekteplerge;
Ózbekstan Respublikası puqaraları hám Ózbekstan Respublikasında jasap atırǵan puqaralıǵı bolmaǵan shaxslardı klasstan klasqa hám bir mektepden basqasına ótkeriwde qollanıladı.
Mektepge shekemgi hám mektep tálimi ministrligi sistemasındaǵı ulıwma orta bilim beriw mákemeleri oqıwshıların bir ulıwma orta bilim beriw shólkeminen basqasına Ózbekstan Respublikası Ministrler Kabinetiniń 2022 jıl 1-iyundaǵı 295-san Qararı menen tastıyıqlanǵan Balalardı mámleketlik ulıwma orta bilim beriw mákemelerine qabıllaw hám de oqıwshılardı bir ulıwma orta bilim beriw shólkeminen basqasına ótkeriw boyınsha mámleket xızmetlerin kórsetiwdiń basqarıw reglamentına muwapıq ámelge asıriladı.
Mektep oqıwshıların klasstan klasqa hám bir mektepden basqasına ótkeriw máseleleri ulıwma orta bilim beriwdiń májburiyligi hám de Ózbekstan Respublikasında jasawshı adamlardıń tálim alıw tilin erkin tańlaw huqıqın inabatqa alǵan halda ámelge asıriladı.
Oqıwshılardı klasstan klasqa hám bir mektepden basqasına ótkeriw biypul ámelge asıriladı.
Oqıwshını klasstan klasqa ótkeriw tártibi
Oqıwshınıń ata-anası yamasa olardıń ornıń basıwshı shaxslar óz qálewine kóre oqıw jılı dawamında yamasa oqıw jılı tawsılǵanınan keyin perzentin klasstan klasqa ótkeriw huqıqına iye.
Ata-analar perzentin klasstan klasqa ótkeriw ushın onıń sebeplerin kórsetken halda mektep direktorı atına arza menen múrajaat etedi.
Mektep direktorı arzanı qabıl etip alǵan kúnden baslap bir jumıs kúni ishinde kórip shıǵadı hám oqıwshın klasstan klasqa ótkeriw haqqında buyrıq qabıl etedi.
Mektep direktorınıń oqıwshın klasstan klasqa ótkeriw tuwrısındaǵı buyrıǵı qabıl etilgennen soń, úsh kún ishinde klass jurnalı hám oqıwshılar háreketi dápterine tiyisli jazıw kiritiledi.
Oqıwshını bir mektepden basqasına ótkeriw tártibi
Ata-analar óz qálewine kóre oqıw jılı dawamında yamasa oqıw jılı tawsılǵanınan keyin perzentin bir mektepden basqasına ótkeriw huqıqına iye.
Ata-analar perzentin bir mektepden basqasına ótkeriw ushın onıń sebeplerin kórsetken halda oqıwshı tálim alıp atırǵan mektep direktorı atına arza menen múrajaat etedi.
Arza mektep direktorı tárepinen bir jumıs kúni ishinde kórip shıǵıladı hám oqıwdı dawam ettiriw ushın saylanǵan mektepke usınıw ushın mektepden ketiw talonı beriledi.
Ata-analar perzenti oqıwdı dawam ettiriwi ushın saylanǵan mektep direktorına oqıwǵa qabıllaw haqqında arza menen múrajaat etedi. Arzaǵa mektepden ketiw talonı qosımsha etiledi.
Oqıwdı dawam ettiriw ushın saylanǵan mektep direktorı arza hám mektepden ketiw talonın qabıl etip alǵannan keyin, sol kúnniń ózinde ata-analarǵa oqıwshı tálim alıp atırǵan mektepke usınıw ushın mektepke keliw talonın beredi.
Oqıwshı tálim alıp atırǵan mektep direktorı mektepke keliw talonın qabıl etip alǵannan keyin, sol kúnniń ózinde oqıwshın mektep oqıwshıları qatarınan shıǵarıw haqqında buyrıq qabıl etedi. Mektep direktorı usı buyrıq menen ata-analardı tanıstırıp, qol qoydırib, olarǵa tómendegi hújjetlerdi usınıs etedi hám hújjetler berilgenligi haqqında tilxat aladı :
oqıwshınıń mektep oqıwshıları qatarınan shıǵarılǵanlıǵı haqqında buyrıqtan kóshirme;
oqıwshınıń bahalar (ózlestiriw) tabeli;
oqıwshınıń medicinalıq kartası.
Tálim alıwshınıń bahalar (ózlestiriw) tabeli usınıs etiledi.
Ata-analardıń hújjetlerdi alǵanlıǵı haqqındaǵı tilxati, keliw talonı hám oqıwdı dawam ettiriw ushın saylanǵan mektep direktorınıń oqıwshınıń oqıwǵa qabıl etilgenligi haqqında buyrıǵınan kóshirme oqıwshınıń mektepte saqlanatuǵın jeke hújjetler jıymasına tigip qóyıladı.
Oqıwdı dawam ettiriw ushın saylanǵan mektep direktorı basqa mektepden ótkerilip atırǵan oqıwshınıń oqıw processlerinen shette qalıp ketpewin támiyinlew ushın barlıq zárúr sharalardı kóriwi shárt.
Oqıwdı dawam ettiriw ushın saylanǵan mektep direktorı hújjetlerdi qabıl etip alǵannan keyin, sol kúnniń ózinde oqıwshın mektep oqıwshıları qatarına qabıllaw haqqında buyrıq shıǵaradı.
Mektep direktorı usı buyrıqtan kóshirmeni bir jumıs kúni ishinde oqıwshı aldın tálim alǵan mektepke maǵlıwmat ushın jiberedi.
Oqıwshını oqıwshılar qatarınan shıǵarıw haqqında yamasa mektep oqıwshıları qatarına qabıllaw haqqında buyrıq shıǵarılǵannan soń, úsh kún múddette klass jurnalı hám oqıwshılar háreketi dápterine tiyisli jazıw kiritiledi.
Qaraózek rayonı ádillik bólimi
yuridikalıq xızmet kórsetiw orayı
bas yuriskonsultı A.Allamuratov