Янгиликлар

Tezlestirilgen mámleketlik xızmetler: Qolaylıq, nátiyjelilik hám jańa kóz qaraslar

Keyingi jıllarda Ózbekstanda mámleketlik xızmetler kórsetiw sistemasın jetilistiriwge qaratılǵan keń kólemli reformalar ámelge asırılmaqta. Bul processtiń áhmiyetli basqıshlarınan biri - puqaralar hám isbilermenlik subiektlerine jáne de qolaylıq jaratıw maqsetinde xızmetler kórsetiw múddetlerin optimallastırıw bolıp esaplanadı. Ózbekstan Respublikası Prezidentiniń 2025-jıl  8-sentyabrdegi PP-157-sanlı Pármanı menen engizilgen jańa tártip - ayırım mámleketlik xızmetlerdi qosımsha haqı esabınan tezlestirilgen tártipte kórsetiw sisteması mine usınday qádemlerden biri bolıp esaplanadı. Bul Párman mámleketlik xızmetler tarawındaǵı zamanagóy talaplarǵa juwap beretuǵın, innovaciyalıq qatnastı kórsetedi.

Prezidenttiń PP-157-sanlı Pármanı ózinde bir qansha áhmiyetli jańalıqlardı sáwlelendiredi. Oǵan bola, 10 túrdegi mámleketlik xızmetler arza beriwshilerdiń qálewine tiykarlanıp, qosımsha haqı esabınan, belgilengen standart múddetlerden qısqa waqıtta kórsetiledi. Bul, ásirese, qıstawlı xızmetke mútájlik sezgen fizikalıq hám yuridikalıq tárepler ushın úlken qolaylıq jaratadı.

Qosımsha haqı esabınan tezlestirilgen xızmet kórsetiw mexanizmi tómendegishe isleydi:

Tańlaw erkinligi: Arza beriwshi mámleketlik xızmetti standart múddetlerde yamasa qosımsha haqı tólep, tezlestirilgen tártipte alıwdı ózi tańlaydı. Bul májbúriy emes, al ıqtıyarlı xızmet.

Qosimsha tólem muģdarı: Qosimsha tólem muģdarı hárbir xizmet túri ushin óz aldına belgileniwi múmkin hám ádette, standart xizmet ushin tólenetuģin jıyımnıń belgili bir procenti yaki qatań summanı quraydı/ Bul haqı mámleket byudjetine yamasa xızmet kórsetiwshi uyımnıń arnawlı qorına jiberiledi, kóbinese xızmet kórsetiwdiń sapasın hám operativligin arttırıwǵa jumsaladı.

Sapanıń ózgerissiz qalıwı: Tezlestirilgen tárizde xızmet kórsetiw hújjetlerdiń mazmunı hám nátiyjeniń sıpatına tásir etpeydi. Bul tek ǵana xızmet kórsetiw múddetiniń qısqarıwın ańlatadı.

Pármanda engizilgen 10 túrdegi xızmetlerden ayırımların mısal retinde keltiriw múmkin:

1. Avtomototransport quralların qayta úskenelew ushın ruxsatnama beriw:

2. Advokatlıq strukturalardı mámleketlik dizimnen ótkeriw:

3. Arxitektura-qala qurılısı hújjetlerin islep shıǵıw jumısı ushın licenziya beriw:

4. Puqaralıq halatı aktlerin jazıw uyımları tárepinen arxiv maǵlıwmatnamaların beriw:

5. Jumıs stajın tastıyıqlaw haqqında arxiv maǵlıwmatnamasın beriw:

Ózbekstan Respublikası Prezidentiniń 2025-jıl 8-sentyabrdegi PP-157-sanlı Pármanı menen engizilgen tezlestirilgen mámleketlik xızmetler sisteması mámlekette mámleketlik basqarıw hám xızmet kórsetiwdi modernizaciyalaw jolındaǵı áhmiyetli qádem bolıp esaplanadı. Bul baslama puqaralar hám isbilermenlerdiń waqtın qádirlew, olarǵa jáne de kóbirek tańlaw erkinligin beriw hám ulıwma mámleketlik xızmetlerdiń nátiyjeliligin arttırıwǵa xızmet etedi. Durıs engiziw hám turaqlı qadaǵalaw arqalı bul sistema Ózbekstannıń sociallıq-ekonomikalıq rawajlanıwına sezilerli úles qosatuǵını sózsiz.

Nókis qalası Ádillik bólimi

Mámleketlik xızmetler orayı aǵa qa'niygesi                            G.Utepbergenova