Янгиликлар
08
Shańaraqqa tiyisli qonaq úylerin shólkemlestiriw tártipleri
Shańaraqqa tiyisli qonaq úylerin shólkemlestiriw tártipleri
Ministrler Kabinetiniń 2023 jıl 27 noyabrdegi 622-san Qararı menen tastıyıqlanǵan «Shańaraqqa tiyisli qonaq úyleri, xostellar, otawlı hám shatırlı dem alıw ornılardı Shańaraqqa tiyisli qonaq úyleri, xostellar, otawlı hám shatırlı dem alıw ornılar birden-bir reestriga kirgiziw boyınsha mámleket xızmetin kórsetiwdiń hákimshilik reglamenti»ne tiykar Shańaraqqa tiyisli qonaq úyleri, xostellar, otawlı hám shatırlı dem alıw ornılar birden-bir reestriga (keyingi orınlarda - Reestr) kirgiziw boyınsha mámleket xızmetin (keyingi orınlarda - mámleket xızmeti) kórsetiw tártibi belgilendi.
Shańaraqqa tiyisli qonaq úyleri - qonaq úylerinde jay iyesiniń shańaraq aǵzaları menen birge jasaw principi boyınsha bir waqttiń ózinde 10 danaǵa shekem keliwshiler (turistlerge) waqtınsha jasaw hám (yamasa ) awqatlanıw boyınsha xızmetler kórsetiwshi, sonıń menen birge, hár bir jasawshıǵa 3 m2 esabınan tuwrı keletuǵın zárúrli turaqjay maydanına iye bolǵan menshik uy-jay esaplanadı ;
qonaq úyleri xızmetlerin kórsetiw shańaraqqa tiyisli isbilermenlik sub'ektleri formasında islengende, kommunal infrasistema xızmetlerin (elektr energiyası, suw támiynatı, kanalizaciya, gaz támiynatı hám ıssılıq támiynatı ) ushın tólewler xalıq ushın belgilengen tariflar boyınsha hám shártler tiykarında tólenedi ;
qonaq úyleri iskerligi tiyisli turaq orında onıń iyesi óz shańaraq aǵzaları hám de keliwshiler (turistlar) menen birge jasawı principi tiykarında shólkemlestiriledi.
Ózbekstan Respublikası Ekologiya, átirap-ortalıqtı qorǵaw hám ıqlım ózgeriwi ministrligi janındaǵı Turizm komitetiniń aymaqlıq bólindileri shańaraqqa tiyisli qonaq úylerin dizimge alıw hám Shańaraqqa tiyisli qonaq úyleri hám xostellar birden-bir reestrini júrgiziwdi ámelge asıradı.
Nókis qalası ádillik bólimi,
Mámleketlik xizmetler orayı
bólimi baslıǵı K.Ospanova