Янгиликлар
31
Kóp jıllıq miynet stajına iye medicina xızmetkerlerine ústeme tólew tártibi
Kóp jıllıq miynet stajına iye medicina xızmetkerlerine ústeme tólew tártibi
Ózbekstan Respublikası Ministrler Kabinetiniń 2005-jıl 21-dekabr kúngi 276-sanlı “Medicina xızmetkerleriniń miynetine haqı tólewdiń jetilistirilgen sistemasın tastıyıqlaw haqqında”ǵı Qararınıń 2-qosımshası menen tastıyıqlanǵan “Ózbekstan Respublikası mámleketlik mákemeleri medicina hám farmacevtika xızmetkerleri miynetine haqı tólewdiń tátribi hám shártleri haqqında”ǵı Rejege muwapıq medicina xızmetkerleri bolǵan shıpakerlerge, orta hám kishi buwın medicina xızmetkerlerine, sonday-aq den sawlıqtı saqlaw sistemasınıń barlıq mákemeleri farmacevtika xızmetkerlerine kóp jıllıq is stajı ushın ústemeler beriw shártleri belgilengen.
Oǵan bola úsliksiz is stajı 5 jıldan 10 jılǵa shekem bolǵanda - tarif stavkasınıń 5 payızı muǵdarında;
úzliksiz is stajı 10 jıldan 15 jılǵa shekem bolǵanda - tarif stavkasınıń 10 payızı muǵdarında;
úzliksiz is stajı 15 jıldan 20 jılǵa shekem bolǵanda - tarif stavkasınıń 15 payızı muǵdarında,joqarı maǵlıwmatlı miyirbiykeler ushın bolsa tarif stavkasınıń 20 payızı muǵdarında;
úzliksiz is stajı 20 jıldan artıq bolǵanda - tarif stavkasınıń 20% payızı muǵdarında, joqarı maǵlıwmatlı miyirbiykeler ushın bolsa tarif stavkasınıń 30 payızı muǵdarında belgilenedi.
Medicina hám farmacevtika xızmetkerleriniń qánigeligi boyınsha úzliksiz islegenligi ushın ústeme alıw huqıqın beretuǵın is stajın esaplap shıǵarıw tártibi usı Rejeniń 3-qosımshaına muwapıq belgilenedi hám xızmetkerlerdiń tariff stavkalarına ústemeler hám qosımsha tólemler muǵdarı tariff stavkasınan kelip shıqqan halda esaplap shıǵıladı.
Shımbay rayonlıq ádillik bólimi
Yuridikalıq xızmet kórsetiw orayı
bas yuriskonsulti Sh.Matniyazov