Янгиликлар
30
Tuwılǵanlıqtı dizimge alıw tártibi, balaǵa familiya hám at beriw, familiya, ism, ata ismin ózgeris kiritiwdiń tiykarları hám huqıqıy aqıbetleri
Tuwılǵanlıqtı dizimge alıw tártibi, balaǵa familiya hám at beriw,
familiya, ism, ata ismin ózgeris kiritiwdiń tiykarları hám huqıqıy aqıbetleri
Ózbekstan Respublikası Ministrler Kabinetiniń 20.10.2023-jıl 550-sanlı qararına tıykar Balanıń tuwılganlıǵın dizimge alıw májburiy bolıp, puqaralardıń turaqlı yáki waqtınsha dizimnen ótken jasaw jerine qaramastan PHAJ organı tárepinen ámelge asırıladı. Tuwılǵanlıq haqqında arza bala tuwılǵan kúnınen baslap bır ay múddet ishinde awızekı yáki jazba túrde beriliwi zárúr. Belgilengen múddettiń ótıp ketkenligi tuwılǵanlıqtıń dızımge alınıwına tosqınlıq ete almaydı. Bunda, on altı jasqa shekem bolǵan balanıń tuwılǵanlıǵın dizimge alıw ushın PHAJ organına tuwılıwın dizimge alıw múddetin ótkerıp jibergenligi sebepleri kórsetilgen arza balanıń ata-anası, ata-ananıń nızamlı nekesi bar bolsa olardıń biri yáki isenim xat tiykarında basqa mápdar bolǵan shaxs, ata-ananıń ornın basıwshı shaxs yáki qáwenderlik hám ámengerlik organlarınıń juwapker shaxsları tárepinen usınıladı. Bunday jaǵdaylarda PHAJ organı tuwılıw faktın tastıyqlawshı hujjetke qosımsha ráwishte nızamshılıqta belgilengen tártipte basqada hujjetlerdi talap etedi. On altı jastan asqan medecına birlespelerinen tısqarı basqa orınlarda, uy sharayatında, medecınalıq járdemsiz tuwılǵan balaǵa medecına birlespeleri tárepinen tuwılǵanlıq haqqında maǵlıwmatnama rásmiylestirilmegen shaxslardıń tuwılǵanlıǵın dizimge alıw sud qararı tiykarında ámelge asırıladı. Eger bala 16 hám onnanda úlken jasta bolsa hám onıń medecına tárepinen tuwılǵanlıq haqqında maǵlıwmatnaması bar bolǵan jaǵdaylarda onıń tuwılǵanlıq akt jazıwı ata-anası yaki olardan biri hámde háreket uqıplılıǵına iye balanıń arzasına kóre dizimge alınadı. Bala tuwılǵanǵa shekem onıń ókesi qaytıs bolǵan waqıttan, ata-anası nekesi biykar qılınǵannan yaki ata-anasınıń nekesi sud tárepinen haqıqıy emes dep tabılǵan sáneden baslap 300 kúnnen kóp waqıt ótpegen bolsa ákesi haqqındaǵı maǵlıwmatlar tap sonday tártipte jazıladı. Balanıń tuwılǵanlıǵın dizimge alıwda oǵan familiya ata-anasınıń keliwine kóre ákesi yaki anasınıń familiyasi, sonday-aq milliy urp-ádetlerge muwapıq ákesi yaki ana tárepinen babasınıń atı boyınsha beriledi. Kelisiw bolmaǵan jaǵdayda kelispewshilikler ámengerli hám qáwenderlik organı, konsullıq okruginde bolsa — konsul tárepinen sheshiledi. Balaǵa áke ismi onıń ákesiniń ismine kóre beriledi. Ákesi haqqındaǵı maǵlıwmatlar tuwılǵanlıq haqqında akt jazıwı hám guwalıqlardaǵı jazıwlar shaxsın tastiqlawshı hujjetler tiykarında ózgerissiz jazıladı. Familiya, ismi, áke ismin ózgertiw haqqındaǵı arzalar: Ózbekstan Respublikasınıń “Davlat tili haqida”ǵı Nızamnıń 15-statiyasına muwapıq; sudtıń sheshiwshi qararına tiykar
Eger familiya hám ismi estilgende jaǵımsız bolsa; eger familiya hám ismi millatine tuwrı kelmese; shaǵaraq ushın bir familiyada bolıw niyetı payda bolǵanda (eger neke dúziw dawirinde erli –zayıplınıń bir familiya qabıl qılmaǵan bolsa; Familiya, ismi, áke ismin ózgertiw haqqındaǵı arzaǵa tómendegiler qosımsha qılınadı: arza beriwshiniń tuwılǵanlıq haqqında guwalıǵı; eger arza beriwshi nekede turǵan bolsa, onda nekeden ótkenligi haqqındaǵı guwalıǵı, eger nekeden ajırasqan bolsa — nekeden ajrasqanlıq haqqında guwalıǵı; eger arza beriwshiniń er jetpegen balaları bolsa, onda balalarınıń tuwılǵanlıq haqqındaǵı guwalıqları; arza beriwshiniń puqaralıq pasportı (identifikatsiyalawshı ID-kartası) yaki shaxsın tastiqlawshı basqa hujjetlerinen kóshirmesi; ereg arza beriwshi er jetpegen yaki sud qararı menen muomalaga layoqatsiz dep tawılǵan bolsa, ata-anası yaki ámengeri yaki qawenderiniń arzası; 1 dana (3x4) suwreti.
Taxtakópir rayoní Ádillik bólimi
PHAJ bólimi 1-dárejeli inspektorí
Kojagulov Baxtiyar Salamat ulí