Янгиликлар
30
Nızamshılıqtaǵı jańalıqlar
Nızamshılıqtaǵı jańalıqlar
Jazanı orınlaw mekemelerinden azat etilgen shaxslardı jumısqa alǵanlarǵa subsidiya beriledi. “Xalıqtıń sociallıq mútajligi bar ayırım taypaların qollap-quwatlaw hám olardıń bántligine kómeklesiw boyınsha qosımsha is-ilájlar haqqında”ǵı Húkimet qararı qabıllandı. Qararǵa muúwapıq, 2023 jıl 1-oktyabrden baslap jazanı orınlaw mákemelerinden azat etilgen shaxslardı jumısqa qabıl etken jumıs beriwshilerge hár bir shaxs ushın 3 aydan artıq múddette miynet iskerligin dawam ettirgennen soń BEMnıń 3 esesi (990 mıń sum) muǵdarında bir mártelik subsidiya ajratıladı.
Byudjet shólkemleri, mámleket kárxanaları, ustav (fondı) kapitalında mámleket úlesi
50 payız hám odan artıq bolǵan yuridikalıq shaxslar bunnan tısqarı.
2025-jıl 1-yanvarǵa shekem isbilermenlerge jazanı orınlaw mákemelerinden azat etilgen shaxslardıń baqlawda bolǵan (probaciya) dáuirinde miynetke haqı tólew tárizindegi dáramatları boyınsha tѳlengen fizikalıq shaxslardan alınatuǵın dáramat salıǵın qaytarıp beriw sisteması engiziledi.
Sonıń menen birge, 2023-jıl 1-oktyabrden tómendegiler jolǵa qoyıladi:
“Jumısqa marhamat” monoorayları hám kásip-ónerge oqıtıw oraylarında jazanı orınlaw mekemelerinden azat etilgen shaxslarǵa kásip-óner hám isbilermenlik kónlikpelerin úyretiw;
Jazanı orınlaw mekemelerinden azat etilgen shaxslardı shólkemlerdegi ámeldegi bos bolǵan (vakant) hámde rezervge qoyılatuǵın jumıs orınlarına jumısqa jaylastırıw sisteması.
Qarar menen Jazanı orınlaw mekemelerinden azat etilgen shaxslardı jumısqa qabıl etken jumıs beriwshılerge Bántlikke kómeklesiw mámleket qorı qarjları esabınan subsidiya beriw tártibi haqqındaǵı reje qabıllandı.
Oǵan muwapıq, jumıs beriwshiler jazanı orınlaw mekemelerinden azat etilgen shaxstı jumısqa qabıl etkennen soń 3 aydan artıq múddette miynet iskerligin dawam etkennen keyin subsidiya alıw ushın rayon (qala) kámbaǵallıqtı qısqartıw hám bántlikke kómeklesiw bólimlerine jazba túrde yamasa JIMXP (my.gov.uz) arqalı múrájaat etedi.
Shımbay rayonı ádillik bólimi
PHAJ bólimi 2-dárejeli inspektorı B.Taganklichova