Янгиликлар
30
Nızamshılıqta oqıtıwshılarǵa qanday jeńillikler bar?
Nızamshılıqta oqıtıwshılarǵa qanday jeńillikler bar?
Basqa kásip iyeleri qatarında oqıtıwshılarǵa da bir qansha imtiyazlar berilgen bolıp, olar Ózbekstan Respublikasınıń Miynet kodeksiniń 360-statyasına muwapıq biypul medicinalıq kórikten ótkiziledi. Sonday-aq, Ózbekstan Respublikası Ministrler Kabinetiniń 2019 jıl 30 sentyabrdegi «Ulıwma orta bilimlendiriw mákemeleriniń órnek kórsetken xızmetkerlerin materiallıq xoshametlew tártibin jetilistiriw haqqında»ǵı 823-sanlı qararına muwapıq, oqıw-tárbiya procesine qosqan jeke úlesi, óz kásibine sadıqlıǵı hám talapshańlıǵı, joqarı kásiplik sheberligi hám erisken nátiyjeleri ushın pedagog xızmetkerlerge hár oqıw jılı ushın ótken oqıw jılındaǵı kórsetken nátiyjeleri ushın ústemeler tólenip barıladı.
Ózbekstan Respublikası Ministrler Kabinetiniń 2021 jıl 9 sentyabrdegi «Qabiletli oqıwshılar ortasında pán olimpiadaların ótkeriw sistemasın jetilistiriw hámde shet tillerin oqıtıw boyınsha eń jaqsı mektepti anıqlaw sistemasın engiziw haqqında»ǵı 562-sanlı qararına tiykar, oqıtıwshı bolıp islep atırǵan xalıq aralıq olimpiadalar jeńimpazlarına hár ay 150 payız ústeme tólenedi.
Ózbekstan Respublikası Ministrler Kabinetiniń 2023 jıl 23 marttaǵı «Bilimlendiriw shólkemleri pedagog kadrların attestaciyadan ótkeriw tártibin jetilistiriw boyınsha qosımsha is-ilájlar haqqında»ǵı 120-sanlı qararına tiykar pedagogikalıq iskerlik boyınsha 25 jıl hám onnan kóp jumıs stajına iye bolǵan pedagog xızmetkerler hám jasqa baylanıslı pensiyaǵa shıǵıwı ushın 5 jıldan kóp bolmaǵan múddet qalǵan pedagog xızmetkerler májbúriy attestaciyaǵa tartılmaydı.
Ózbekstan Respublikası Hákimshilik juwapkershilik haqqındaǵı kedeksiniń 197⁵-statyasında bilimlendiriw mákemeleri pedagog xızmetkeriniń kásiplik iskerligine nızamǵa qayshı ráwishte aralasıw yáki bilimlendiriw mákemesi pedagog xızmetkeriniń xızmet wáziypaların orınlawǵa tosqınlıq qılıw juwapkershilikke sebep boladı.
Sonday-aq bilimlendiriw sapası pás bolǵan mekteplerde basqa aymaqlardan kelip sabaq berip atırǵan oqıtıwshılar ushın da arnawlı ústemeler engizilgen bolıp, bunday itibar hám kóz qaras mekteplerde bilimlendiriw sıpatı joqarılıwına xızmet qıladı.
Bir sóz benen aytqanda, mámleketimizde bilimlendiriw sapasın jaqsılaw, oqıtıwshılardıń abırayın joqarılatıw barısında úlken reformalar ámelge asırılmaqta. Sebebi, mámleketimiz keleshegi búgin perzentlerimizge berip atırǵan tálim tárbiyamızǵa baylanıslı.
Shımbay rayonı ádillik bólimi
yuridikalıq xızmet kórsetiw
orayı bas yuriskonsultı D.T.Yerjanov