Янгиликлар
30
Soraw: Nızamshılıqtaǵı jańalıqlar qanday?
Soraw: Nızamshılıqtaǵı jańalıqlar qanday?
Juwap: Tutınıwshılardıń janılǵı-energetika resursları menen isenimli túrde támiyinlew, xalıqtıń úylerinde qayta tikleniwshi energiya derekleri ornatılıwı hám energiya tejewshi texnologiyalardı keń eń jaydırıwdı xoshametlew, janılǵı-energetika resursları bahalarınıń shólkemlestiriliwin basqıshpa-basqısh bazar mexanizmlerine ótkeriwdi dawam etiw maqsetinde Ózbekstan Respublikası Ministrler Kabinetiniń 2024-jıl 16-aprel kúngi «Janılǵı-energetika tarawında bazar mexanizmlerin eń jaydırıwdıń qosımsha is-ilájleri haqqında»ǵı 204-sanlı qararı qabıl etildi.
Usı múnásibet penen 2024-jıl 1-may kúninen baslap:
- Tábiyiy gaz ısıtıw máwsiminde:
- 0-500 kub/mge shekem 650 swm;
- 501-2500 kub/mge shekem 1500 swm;
- 2501-5000 kub/mge shekem 1950 swm;
- 5001-10000 kub/mge shekem 2275 swm;
- 10001 kub/mden joqarı bolsa 2600 swmnan;
- Tábiyiy gaz basqa máwsiminde:
- 0-100 kub/mge shekem 650 swm;
- 101-2500 kub/mge shekem 1500 swm;
- 2501-5000 kub/mge shekem 1950 swm;
- 5001-10000 kub/mge shekem 2275 swm;
- 10001 kub/mden joqarı bolsa 2600 swmnan;\
- Elektr energiyası:
- 200 kvtqa shekem 450 swm;
- 201-1000 kvtqa shekem 900 swm;
- 1001-5000 kvtqa shekem 1350 swm;
- 5001-10000 kvtqa shekem 1575 swm;
- 10001-1000 kvttan joqarı bolsa 1800 swmnan belgilendi.
Ísıtıw máwsiminde (noyabr-fevral aylarında) «Sociallıq qorǵanıw jalǵız reestri» maǵlıwmat sisteması arqalı kem támiyinlengen shańaraqlar, balalar napaqası hám materiallıq járdem alıwshı shańaraqlarǵa hám jalǵız reestrge kiritilmegen, «máhálle jetiligi» juwmaǵı tiykarında anıqlanatuǵın qosımsha mútáj shańaraqlarǵa júzege keliwi múmkin bolǵan qosımsha qárejetlerdi qaplaw boyınsha tómendegi waqtınsha kompensaciya tólep beriledi.
a) Sociallıq qorǵaw milliy agentligi AT «Xalıq banki» menen birgelikte noyabr ayında 270.000 swm muǵdarında bir mártelik materiallıq járdem ótkerip beredi;
b) elektr energiyası hám tábiyiy gaz boyınsha tómendegi muǵdarlardaǵı tutınıw ushın bazalıq limit sheńberindegi hámde bazalıq limitten asqan bahalar arasındaǵı parq kompensaciya etip beriledi:
- tabiyiy gaz ushın – ayına bazalıq limitten artıq paydalanılǵan 250 kub metrge shekem;
- elektr energiyası ushın – ayına bazalıq limitten artıq paydalanılǵan 150 kVt saatqa shekem.
Kompensaciya alıwshı mútáj shańaraqlar noyabr-mart aylarında «Insán» sociallıq xızmetler orayları yaki máhállelerde iskerlik júritiwshi sociallıq xızmetkerlerge múrájeet etedi.
Kompensaciya pulları arza bergen aydan keyingi aydıń 27-sánesine shekem mútáj shańaraqlardıń bank plastik kartasına ótkerip beriledi.
Eger mútáj shańaraq wákiliniń bank plastik kartası bolmaǵan jaǵdayda biypul ashıp beriledi.
Kegeyli rayonı Ádillik bólimi
Yuridikalıq xızmet kórsetiw orayı
bas yuriskonsultı S.BAZARBAEV