Янгиликлар
30
Soraw: Miynet nızamshılıǵında dawa múddeti qanday?
Soraw: Miynet nızamshılıǵında dawa múddeti qanday?
Juwap: Jańa Miynet kodeksiniń 560-statyasında jeke tártiptegi miynet dawların kórip shıǵılıwı ushın sudqa múrájeet etiwdiń tómendegi múddetleri belgilengen.
Oǵan kóre:
1) Jumısqa tiklew dawları boyınsha — xızmetkerge ol menen miynet shártnaması biykar etilgenligi haqqındaǵı buyrıqtıń kóshirmesi berilgen kúnnen baslap úsh ay;
2) xızmetker tárepinen is beriwshige jetkerilgen materiallıq zıyannıń ornın qaplap beriw haqqındaǵı dawlar boyınsha — is beriwshi zıyan jetkerilgenligi anıqlanǵan kúnnen baslap bir jıl;
3) basqa miynet dawları boyınsha — xızmetker óz huqıqı buzılǵanlıǵı haqqında bilgen yaki biliwi lazım bolǵan kúnnen baslap altı ay;
Xızmetkerdiń ómirine yaki den-sawlıǵına jetkerilgen zıyannıń ornın qaplaw haqqındaǵı dawlar boyınsha, sonday-aq, xızmetkerge jetkerilgen ruwhıy zıyandı kompensaciya etiw haqqındaǵı dawlar boyınsha sudqa múrájet etiw muddeti belgilenbeydi.
Jeke tártiptegi miynet dawların kórip shıǵıw boyınsha sudqa múrájeet etiw múddetiniń ótiwi jeke tártiptegi miynet dawların mediaciya tártibinde kórip shıǵıw dáwirinde toqtatılıp turıladı.
Kegeyli rayonı Ádillik bólimi
Yuridikalıq xızmet kórsetiw orayı
bas yuriskonsultı S.BAZARBAEV,