Янгиликлар
30
JUWAPKERSHILIK ASIRILIP, BASQARIW IQSHAMLASTIRILMAQTA
JUWAPKERSHILIK ASIRILIP, BASQARIW IQSHAMLASTIRILMAQTA
Ózbekstan Respublikasi Prezidenti tárepinen 24.05.2024 jili qabillanģan “Hákimshilik reformalar sheńberinde ádillik organlari hám mekemeleriniń juwapkershiligin elede asiriw hámde basqariw dizimin qáliplestiriw hasqqinda”ģi PF-80san Pármani ádillik uyimlari iskerliginde jańa maqset hám waziypalardi belgilep berdi.
Párman menen Ádillik uyimlari iskerligin orinlarda nátiyjeli shólkemlestiriw hám de huqıqıy xızmetler qaplaniwin elede asırıw maqsetinde rayon (qala) ádillik bólimlerine tómendegi qosımsha wazıypalar júkletildi:
orınlarda xalıq tárepinen kóterileip atırǵan aktual mashqalalardi kórip shıǵıw hám sheshiw ushın hár ayda máhellelerde “Ádillik kúni” ilajların ótkeriw. Bunda alis aymaqlardaǵı máhellelerde hár ayda keminde eki márte kóshpeli mámleket xızmetlerin kórsetip barıw;
uyme-úy kiriw hám “Huqıqıy kómek” aktsiyaların ótkeriw arqalı puqaralardiń kúndelik turmısında anıqlanatuǵın huqıqıy mashqalalardi saplastırıwģa qaratilģan nızamshılıqtı jetilistiriw boyınsha usınıslar tayarlaw;
“máhelle jetiligi”ne nızamshılıq hújjetleriniń mánisi hám áhmiyetin ápiwayı hám xalqshil tilde jetkiziw, sonıń menen birge, olar tárepinen “Online-máhelle” platformasina kiritilgen xalıqtıń kúndelik turmısındaǵı huqıqıy máselelerge tiyisli mashqalalardi shshep bariw;
xalıqqa, eń dáslep “temir dápter”, “áyeller dápteri”, “jaslar dápteri” hám de “Socialliq qorǵaw birden-bir reestri” málimleme sistemasına kiritilgen puqaralarǵa biypul baslanǵısh yuridikalıq járdem kórsetiliwin támiyinlew;
jaslar, hayal-qızlar, social qorǵawǵa mútáj shaxslardı, sonıń menen birge, isbilermenlik sub'ektlerin nızamshılıq hújjetlerinde belgilengen jeńillikler, preferenciyalar, subsidiyalar, grantlar hám mámleket tárepinen qollap-quwatlawdıń basqa túrleri hám de olardan paydalanıw tártibi haqqında xabardar qiliw;
mámleketlik uyim hám mekemelerdiń rayon (qala) bólimleri, jergilikli mámleket hákimiyatı shólkemleri hám de puqaralardıń ózin ózi basqarıw uyimlarinda birden-bir huqıqtı qóllaw ámeliyatın qáliplestiriwde olarǵa metodikalıq járdem kórsetip barıw.
Puqaralardıń ózin ózi basqarıw uyimlarinda "Máhelle yuristi" joybarı ámelge asırılıp, joybar sheńberinde máhelle baslıqlarınıń huqıqıy bilim hám kónlikpelerin úzliksiz asırıp barıwǵa qaratılǵan qısqa múddetli biypul oqıw kursları shólkemlestiriledi.
Hápteniń hár shárshembi kúni máhellelerde “Huqıqıy úgit-násiyat kúni” ótkeriledi. Bunda Ádillik uyimlari xızmetkerleri:
"Online-máhelle" platformasina kiritilgen hám orınlarda anıqlanǵan mashqalalardıń huqıqıy sheshimlerine qaratılǵan mánzilli huqıqıy úgit-násiyatlaw ilajların shólkemlestiriw;
xalıq ushın eń aktual máselelerdi anıqlaw arqalı olar haqqinda huqıqıy túsindiriw hám máslahátlar beriw;
socialliq qorǵawǵa mútáj xalıq qatlamları ushın jeńillikler hám materiallıq járdem beriw, pensiya belgilew, jumıssızlıqtan qorǵaw, waqtınshalıq jumıs menen támiyinlew, socialliq járdem alıw tártibi boyınsha sistemalı huqıqıy úgit-násiyat ilajların ótkeriw sıyaqlı islerdi ámelge asıradı.
Sonday-aq, 2024 jıl 1 iyuldan baslap "Madad" NNTniń huqıqıy máslahát byuroları tárepinen xalıqqa biypul huqıqıy máslahátlar beriledi, sonıń menen birge dawlardı sudǵa shekem hám sud arqalı sheshiwde zárúr bolatuǵın protsessual hújjetlerdi tayarlawda kómeklesedi.
Usi dáwirden “Mobile-ID” sistemasında puqaralardı identifikaciya qılıw olardıń qálewine kóre ID-karta hám shet elge shıǵıw pasportın mámleket xızmetlerin orayları arqalı rásmiylestiriw processinde kompozit formada ámelge asıriladi;
kárxanalar, mákemeler hám shólkemlerden arxiv hújjetleri ornatılǵan tártipte joq etiliwinde, olardıń elektron nusqaların talap etiw ámeliyatı biykar etiledi;
noturar jaylardı basqa shaxsqa ótkeriwge tiyisli pitimlerdi rásmiylestiriw kelisim tárepleri mámleket xızmetlerin orayına kelgen hám olardıń shaxsı oray jumısshısı tárepinen anıqlastirilģan halda ámelge asıriladı hám de rásmiylestirilgen kelisim bir waqittń ózinde mámleket diziminen ótkeriw ushın kadastr shólkemlerine jiberiledi.
2024 jıl juwmaǵına shekem mámleket xızmetlerin kórsetiwde shaxstı biometrik identifikaciya qılıw (Face-ID) usılı eńgiziledi. Bunda, puqaralar tárepinen shaxsın tastıyıqlaytuǵın hújjetlerdi usınıw talap etilmeydi.
Mekteplerde 2024/2025 oqıw jılınan baslap Ádillik ministrliginiń arnawlı elektron platformasi arqalı huqıq páni oqıtıwshılarınıń kásiplik bilim hám kónlikpelerin úzliksiz asırıp barıw hám de olardı metodikalıq támiyinlew sisteması jolǵa qóyıladı;
oqıwshılar arasında "Huqıq bilimdani" pán olimpiadası, huqıq páni oqıtıwshıları arasında "Eń jaqsı huqıq oqıtıwshı" kórik-tańlawı ótkerip barıladı.
Sonıń menen birge, yuridikalıq bilimlendiriw tarawında mekteplerde "Huqıq klası" hám huqıq pánleri tereńlestirilgen halda oqıtilishini shólkemlestiriw arqalı yuridikalıq kadrlardı tayarlawda " mektep - licey - texnikum - universitet" sistemasın engiziledi;
Párman menen eńgizilip atirģan ilájlar ádillik uyimlarin xaliqqa elede jaqin, xaliq dártin tińlawshi, xaliq mashqalalarin tez sheshiwshi uyimģa aylandirmaqta.
Xojeli rayoni ádillik bólimi basliģi A.Shabatov