Янгиликлар
29
TEMEKI ÓNIMLERI MENEN KÓTERE SAWDA ETIWDI BASLAǴANLIQ YAMASA TAMAMLAǴANLIQ HAQQINDA XABARNAMA JIBERIW TÁRTIBI.
TEMEKI ÓNIMLERI MENEN KÓTERE SAWDA ETIWDI BASLAǴANLIQ YAMASA TAMAMLAǴANLIQ HAQQINDA XABARNAMA JIBERIW TÁRTIBI.
Ózbekstan Respublikası Ministrler Kabinetiniń 2024-jıl 13-iyuldaǵı “Litsenziyalaw hám ruxsat beriw tártip-qaǵıydalarınıń ápiwayılastırılıwı múnásibeti menen Ózbekstan Respublikası Húkimetiniń ayırım qararlarına ózgeris hám qosımshalar kirgiziw, sonıń menen birge, ayrımların óz kúshin joǵaltqan dep esaplaw haqqında”ǵı MK-418-sanlı qararı qabıllandı.
Atap aytqanda qarar menen, temeki ónimleri menen kótere sawda etiwdi baslaǵanlıq yamasa tamamlaǵanlıq haqqında jańa xabarnama tastıyıqlandı.
Xabarnama yuridikalıq shaxs hám jeke tártiptegi isbilermenlerlik subektleri tárepinen jiberiledi.
Xabarnamanı qabıl etiwshi organ Ózbekstan Respublikası Investitsiyalar, sanaat hám sawda ministrligi.
Xabarnama «Litsenziya» AT yamasa Birden-bir ınteraktiv mámleketlik xızmetler portalı arqalı jiberiledi.
Jeke tártipdegi isbilermenlik subektleri ushın:
- Jeke tártipdegi isbilermenniń famılıyası, atı, ákesiniń atı;
- pasport seriyasi hám nomeri yamasa identifikaciyalaytuǵın ID-kartası nomeri;
- JShShIR;
- jasaw mánzili;
- pochta hámde elektron pochta mánzili;
- mobil telefon nomeri, iskerligin ámelge asırıw ornı telefon nomeri;
- bank rekvizitleri (esap beti, bank kodı);
- iskerligin ámelge asırıw mánzili hám kadastr nomeri;
Yuridikalıq shaxslar ushın:
- yuridikalıq shaxs atı hám shólkemlestiriw-huqıqıy forması, STIR;
- pochta hám de elektron pochta mánzili;
- yuridikalıq shaxs baslıǵınıń mobil telefon nomeri, iskerlikti ámelge asırıw ornı telefon nomeri;
- bank rekvizitleri (esap beti, bank kodı);
- iskerlik ámelge asırılatuǵın orın mánzili hám kadastr nomeri.
Xabarnama jiberiw ushın tólenetuǵın jıyım bazalıq esaplaw muǵdarınıń 50 procenti muǵdarında jıyım óndiriledi.
Nókis qalası Ádillik bólimi
Mámleketlik xızmetler orayı bólim baslıǵı B.Nurlıbekov